मल्टि स्टारर फिल्म ‘लाखे’ को टिजर सार्वजनिक

नमस्ते चितवन

शुक्रबार, असार २४, २०७९ मा प्रकाशित

असार २४ , काठमाडौं । मल्टि स्टारर फिल्म ‘लाखे’ को टिजर शुक्रबार ओएसआर डिजिटलमार्फत दर्शकमाझ ल्याइएको छ । केही समयअघि सार्वजनीक फस्र्टलुक पोस्टरबाटै चर्चा बटुल्न सफल फिल्मको करिब सवा एक मिनेट लामो टिजरले दर्शकको अपेक्षा झन् बढाएको छ ।

भदौ ३१ गते प्रदर्शन हुने ‘लाखे’ को टिजरबाट फिल्म सस्पेन्स र थ्रीलले भरिएको आँकलन गर्न सकिन्छ । सम्राट बस्नेत निर्देशीत फिल्ममा सौगात मल्ल,अनुप बिक्रम शाही,वर्षा राउत, आर्यन अधिकारी,सुशील सिटौला,प्रशान्त ताम्राकार, अर्पण थापा, रोहित रुम्बा,सन्जोग राणा,रक्षा बुढाथोकी,कालु राना र बाल कलाकार सिस्टम भण्डारी मुख्य भूमिकामा छन् । गणेश मल्ल ठकुरी (जिएम) को प्रस्तुति रहेको फिल्मको कथाकार र निर्माता सिजन अर्याल हुन् । हरि मल्ल ठकुरी कार्यकारी निर्माता रहेको फिल्म सुसन प्रजापतिले खिचेका हुन् ।

ग्लोवल मिडिया एण्ड रिसर्च सेन्टर र औरिवन प्रोडक्सनको ब्यानरमा निर्माण भएको फिल्मको पटकथा,सम्वाद आकाश बरालले लेखेका हुन । दीपक बज्राचार्यको संगीत, कबिराज गहतराजको कोरियोग्राफी, निर्देशक सम्राटकै द्धन्द्ध निर्देशन र दीलिप पन्तको प्रोडक्शन डिजाइन रहेको फिल्मलाई आरआर फिल्मस्को बितरण गर्दैछ । ।

निर्देशक सम्राटले ‘लाखे’ हर प्रकारले उत्कृष्ट भरपुर मनोरञ्जक फिल्म बनेको बताउने गरेका छन् । यसअघि ‘पासवर्ड’ निर्देशन गरेका निर्देशक बस्नेत कहलिएका द्धन्द्ध निर्देशक हुन । त्यसकारण उनको यो फिल्ममा पनि भरपुर मात्रामा ‘थ्रील’ आश गर्न सकिन्छ ।