काठमाडाैं । नायक प्रदीप खड्का र क्रिस्टिना गुरुङ अभिनित चलचित्र ‘प्रेमगीत ३’ नेपाल र हिन्दी भाषासहित भारतमा एकसाथ रिलिज हुने भएको छ। यो चलचित्र हिन्दीमा डब भएको पहिलो इन्डो–नेपाली चलचित्र हो। निर्माताले भारतीय संस्करणको पोस्टरसहित ‘प्रेमगीत ३’ सेप्टेम्बर २३, २०२२ अर्थात यहीँ असोज ७ गते भारतका सम्पूर्ण सिनेमाघरहरुमा रिलिज हुने सार्वजनिक गरेका हुन्।
चलचित्रको ट्रेलर भने भदौ १६ मा साँझा हुनेछ। ‘प्रेम गीत ३’ २०१६ मा रिलिज भएको सुपरहिट चलचित्र ‘प्रेम गीत’ को तेस्रो संस्करण हो। तीनवटै संस्करणमा नेपाली चलचित्र उद्योगका चर्चित अभिनेता प्रदीप खड्काले मुख्य भूमिका निर्वाह गरेका छन्।
जी–म्युजिक, युएफओ र मधु इन्टटेनमेन्टद्वारा फिल्मलाई विश्वभर रिलिज गर्न लागिएको हो। निर्माताले महंगो मूल्यमा फिल्मको राइट्स भारतलाई बेचेका हुन। भारतमा रिलिज हुने यो चलचित्रमा चारवटा गीतहरु छन् जसमा चर्चित गायक अंकित तिवारी, पलक मुछाल, देव नेगी, राहत फतेह अली खान, पवनदीप राजन आदिले स्वर दिएका छन् ।
प्रेम गीत ३’ मा प्रदीप खड्का र क्रिस्टिना गुरुङका अलावा शिव श्रेष्ठ, माओत्से गुरुङ, सुनिल थापा र मनिष राउतको पनि अभिनय रहेको छ । चलचित्रलाई सन्तोष सेन र छेतन गुरुङले निर्देशन गरेका हुन् भने सेन फिल्मका निर्मातासमेत हुन। हल रिलिजको आठ सातापछि ‘प्रेमगीत ३’ ओटीटी प्लेटफर्म अमेजनमा रिलिज हुनेछ ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.