युवा वर्गमा उच्च जोश, जागर र उर्जाले संघीय निर्वाचनमा महत्वपूर्ण भूमिका : मेयर रेनु दाहाल

नमस्ते चितवन

सोमबार, साउन २३, २०७९ मा प्रकाशित

साउन २३ , चितवन । भरतपुर महानगरपालिकाका प्रमुख रेनु दाहालले अगामी संघीय निर्वाचनमा अनेरास्वियु(क्रान्तिकारी) को भूमिका महत्वपूर्ण हुने बताउनु भएको छ ।

सोमबार अनेरास्वियु(क्रान्तिकारी),केन्द्रीय क्याम्पस कमिटी कृषि तथा वन विज्ञान विश्वविद्यालय रामपुरले आयोजना गरेको विदाई कार्यक्रममा मेयर दाहालले युवा वर्गमा उच्च जोश, जागर र उर्जा हुने भएकाले संघीय निर्वाचनमा अगुवा भूमिका निर्वाह गर्न आग्रह गर्नुभयो ।मेयर दाहालले कृषि क्याम्पसबाट विदाई भएर गएका विद्यार्थीलाई जुनसुकै भूगोलमा पुगेपनि स्थानीय संगठन र पार्टी निर्माणमा जुट्नुपर्ने बताउनुभयो ।

क्रान्तिकारी विद्यार्थीको छवि र गरिमालाई सधै उच्च राख्न शैक्षिक संस्थाभित्र रहदा र बाहिरा जादाँ पनि अग्रसर भएर अगाडि बढ्न प्रमुख दाहालले आग्रह गर्नुभयो ।क्रान्तिकारी विद्यार्थीले शैक्षिक क्षेत्रमा हुने विकृति, विसंगती विरुद्ध सधैब खबरदारी गरी विद्यार्थीको हकहितमा गरेको कार्यको उच्च प्रशंसा गर्नुभयो ।

कार्यक्रमलाई सम्बोधन गर्दै अनेरास्वियु (कान्तिकारी) का केन्द्रीय अध्यक्ष पञ्चा सिंहले विद्यार्थीहरु उच्च शिक्षा अध्ययन पुरा गरेसँगै पार्टीमा जोड्नि आह्वान गर्नुभयो । अध्यक्षले सिंहले यसअघिका विद्यार्थीहरुले पार्टीसँग समवन्य नगरेको उल्लेख गर्नुभयो । कार्यक्रममा अनेरास्वियु (कान्तिकारी) का महासचिव दिपेश पुन, अनेरास्वियुका केन्द्रीय सदस्यहरुले मन्तव्य राख्नु भएको थियो ।