अनमोल केसी अभिनित चलचित्र ‘छड्के २’को फस्ट लुक्स सार्वजनिक

नमस्ते चितवन

शनिबार, भदौ ११, २०७९ मा प्रकाशित

भाद्र ११ ,काठमाडौं ।बुबाको मुख हेर्ने दिनको अवसर पारेर निगम श्रेष्ठको निर्देशनमा छायांकन भैरहेको चलचित्र ‘छड्के २’ले फस्ट लुक्स सार्वजनिक गरिएको छ ।चलचित्रका निर्देशक श्रेष्ठले शनिबार चलचित्रको प्रमुख कलाकार अनमोल केसीको लुक्स सार्वजनिक गरेका हुन् ।

‘छड्के २’को पोस्टरमा अनमोललाई ‘योङ्ग्री योङ म्यान’ र ग्याङस्टर स्वरुपमा देख्न सकिन्छ । पोस्टरमा ‘२.० छड्के’ शीर्षकसहित जारी फोटोमा अनमोलको चरित्र केही हिंसात्मक पनि छ जहाँ उनलाई केही आक्रामक देखिन्छन् ।फर्स्टलुक पोस्टरमा अनमोलको कसिलो शरीर पनि देखाइएको छ, जसमा १९९४ लेखिएको ट्याटु छ ।

चलचित्रमा रविन तामाङ र कमलमणी नेपालको समेत मुख्य भूमिका छ । काभ्रे फिल्म्सको ब्यानरमा निर्माण भैरहेको चलचित्रमा मेधा प्रोडक्सन र निर्वाण फिल्म स्कुलले पनि सहकार्य गरिरहेको छ । चलचित्रको निर्मातामा प्रशान्त गिरी र देवकुमार श्रेष्ठ छन् । कार्यकारी निर्मातामा निर्भाना फिल्म स्कुल र लक्ष्मण काफ्ले छन् ।चलचित्रको यति बेला चितवन र मनाङमा छायांकन हुँदैछ ।