तीजमा ‘सम्हालिन्छ कहिले मन’को प्रमोसन गर्न पूजा ,आकाश र सोनम चितवनमा

नमस्ते चितवन

बुधबार, भदौ १५, २०७९ मा प्रकाशित

भाद्र १५ ,चितवन ।यहि भाद्र १७ गते बाट प्रदर्शनमा आउन लागेको चलचित्र ‘सम्हालिन्छ कहिले मन’का मुख्य कलाकारहरु चलचित्रको प्रमोसनको लागि मंगलबार चितवन आएका थिए । हरितालिका तीजको अवसरमा ग्रेट टिभी प्रालिको आयोजना गरेको तीज विशेष कार्यक्रममा चलचित्रका कलाकारहरु पूजा शर्मा, आकाश श्रेष्ठ, सोनम तोप्देन चितवन आएका हुन् ।

चितवनको पर्सा बजारमा आयोजना गरिएको ग्रेट तीज महोत्सव र अरूण संचार सहकारी सस्था ली द्वारा संचालित रेडियो अर्पण १०४.५ मेगाहर्जको आयोजना तथा अर्पण बचत तथा ऋण सहकारी संस्था लिमिटेडको सह आयोजनामा टाँडीको सौराहा चोकमा आयोजन भएको “सुकुल गार्डेनमार्ट अर्पण तीज उत्सव २०७९” पुगेर चलचित्रका कलाकारले आफ्नो फिल्म हेर्दिन अनुरोध गरेका थिए।

नायिका पूजा शर्माले तीजको बेला आफु चितवन आउने गरेको र चितवनमा धेरै माया पौने गरेको बताउदै आफ्नो नया चलचित्र ‘सम्हालिन्छ कहिले मन’ पनि हेरेर माया गर्दिनु हुन् अनुरोध गरिन । यता चलचित्रका नायक आकाश श्रेष्ठले चितवनमा सधै माया परेको हुदा चितवन आफ्नै ठाउँ जस्तो लाग्ने बताए। एक पटक चलचित्र ‘सम्हालिन्छ कहिले मन’ हेर्दिनु समेत अनुरोध गरे ।

नब नायक तथा गायक सोनम तोप्देनले आफ्नो पहिलो चलचित्र भएको र चलचित्र धेरै राम्रो बनेको भन्दै एक पटक सबैलाई हेर्दिनु अनुरोध गरे ।सोनमले कार्यक्रममा गीत गएका थिए ।पूजा ,आकाश र सोनमले ‘सम्हालिन्छ कहिले मन’को गीतमा नाच्दा दर्शकले ताली बजाएर साथ दिएका थिए ।

महेश दवाडीको लेखन रहेको सिनेमामा पूजा, आकाश र सोनमसंगै सरोज खनाल, गौरी मल्ल र धिरेन शाक्यको पनि अभिनय छ ।सौरभ लामाले खिचेको सिनेमामा अर्जुन पोखरेल/ताराप्रकाश लिम्बु/जेम्स प्रधानको संगीत, कविराज गहतराजको कोरियोग्राफी र अर्जुन जिसीको सम्पादन छ ।

एबी इन्टरनेशनलको प्रस्तुति रहेको सिनेमामा अमित बस्नेत, अजित केआर थापा र परी रानाको लगानी छ ।चलचित्रलाई सुदर्शन थापा निर्देशन गरेका हुन् । चलचित्रमा समावेश ‘जरुरी कुरा छ’ गीत चार्टबस्टरमा हिट भैसकेको छ ।