डब्बु क्षत्रीको ‘सावनको भेल जस्तो’मा राजेशपायल राईको आवाज

नमस्ते चितवन

शुक्रबार, भदौ २४, २०७९ मा प्रकाशित

भाद्र २४ , काठमाडौं । गीतकार तथा गजलकार डब्बु क्षत्रीको रचना तथा लोकप्रिय गायक राजेशपायल राईको स्वरमा हरेको गजल ‘सावनको भेल जस्तो…’ को म्युजिक भिडियो दर्शकमाझ आएको छ ।डब्बु क्षत्रीले एक समयको लोकप्रिय गलज मानिएको सावनको भेल जस्तोको लामो समयपछि भिडियो निर्माण गरिएको छ । यो गजल क्षत्रीको झरी गीति÷ गजल सँग्रहमा रहेको छ ।

हजारौं गीत गाएका राजेश पायल राईले यो भन्दा अघि गजलमा स्वर दिएका थिएनन् । क्षत्रीको सावनको भेल जस्तै नै आफ्नो स्वरमा रेकर्ड भएको पहिलो गजल भएको गायक राजेश पायलले बताएका छन् । यो गजलमा जुगल डँगोलको स्वर रहेको छ । गजलमा संगीत संयोजन पनि जुगलले नै गरेका हुन् ।

गीतकार क्षत्रीकै निर्देशनमा सावनको भेल जस्तोको म्युजिक भिडियो बजारमा आएको छ । यो गजलको भिडियोमा अभिनेता प्रवण भुसाल र गायिका तथा मोडल सरिता भारतीको अभिनय रहेको छ । भिडियोमा यी दुईको अभिनय आकर्षका छ । टँक केसी र ज्ञानु राईले छायाँकन गरेको यो म्युजिक भिडियोको कोरियोग्राफी सुवास बुढाथोकीले गरेका हुन् । बीरेन्द्र भाट विपिनको सम्पादन रहेको छ । विलक्षण क्रियसन प्रा.लिद्धारा निर्मित यो गीतको भिडियोलाई विन्ध्यवासिनी म्युजिकको युट्युव च्यानलबाट रिलिज गरिएको छ ।

डब्बु क्षत्रीले झरी सम्बन्धि गजलहरु समेटेर गजल सँग्रह ‘झरी’ केही वर्ष अघि बजारमा ल्याएका थिए । त्यतिबेला झरीको यो गजलले विन्ध्यवासिनी म्युजिक अवार्ड, नेशलन गजल अवार्ड, म्युजिक खबर म्युजिक अवार्ड जितेको छ । अडियोमै लोकप्रियता हाँसिल गरेको यो गजललाई बल्ल भिडियोमा ल्याईएको गीतकार क्षत्रीले बताए ।