दयाहाङ र सौगातको फिल्म ‘दुई नम्बरी’ भोलिबाट रिलिज हुदै ,एड्भान्स बुकिङ सुरु

नमस्ते चितवन

बिहिबार, असोज २०, २०७९ मा प्रकाशित

असोज २०, काठमाडाैं। भोलि शुक्रबार बाट प्रदर्शनमा आउन लागेको फिल्म ‘दुई नम्बरी’को एड्भान्स बुकिङ सुरु भएको छ । फिल्मलाई देशभरिका मल्टिप्लेक्समा उल्लेखनीय शोज प्राप्त गरेको छ ।

क्यूएफएक्सले देशभरका आफ्ना आउटलेटमा फिल्मलाई ३५ शोज दिएको छ र रिलिजसम्म शोजमा वृद्धि हुने अनुमान छ । आइएनआई, वान सिनेमाज्, बिग, एफक्यूव, कीर्तिपुर, रञ्जना मल्टिप्लेक्सले पनि फिल्मलाई उल्लेख्य शोज दिएका छन् ।

यस्तै राजधानी बाहिर चितवन ,पोखरा ,बुटवल ,नेपालगंज, धरान ,बिर्तामोड,इटहरी ,बिराटनगर लगायतका ठाउमा पनि फिल्मको बुकिङ सुरु भएको छ ।टीजर र ट्रेलरको फिडब्याक हेर्दा फिल्मले सुखद ‘वर्ड अफ माउथ’ प्राप्त गरेको छ ।

अर्कोतर्फ, ‘स्टारकास्ट’को सहभागिताले पनि फिल्मलाई ओजपूर्ण तुल्याएको छ । यी अवसरहरुको कारण फिल्मले कस्तो ओपनिङ गर्न सक्ला त बक्सअफिसमा ? प्रस्तुतकर्ता किरण नेपाली भन्छन्, ‘अहिलेको ट्रेन्डअनुसार फिल्मले ७० प्रतिशत ओपनिङ अकुपेन्सी हासिल गर्न सक्छ ।’नेपाली फिल्मको बढी कमाइ ‘विन्डो सेल’बाट हुने भएकाले पनि निर्माता यसतर्फ विश्वस्त सुनिन्छन् ।

फिल्ममा दयाहाङ राई, सौगात मल्ल, उपासना सिंह ठकुरी, वुद्दि तामाङ, उगेन छोदेन लगायतका कलाकारको मुख्य भूमिका छ ।दीपक मनाङ्गे, अमलादेवि राई र जयश श्रेष्ठको लगानी रहेको फिल्मका कार्यकारी निर्माता सरोज नेपाली हुन् ।

दीपेन्द्र लामाको कथा तथा निर्देशन रहेको फिल्मको प्रस्तुतकर्ता किरण नेपाली हुन्।२ करोड रुपैयाँको लगानीमा निर्माण भएको फिल्मले विदेश र अन्य राइटबाट कमाएको छ ।