कार्तिक ९ ,भरतपुर। यहि शुक्रबार बाट प्रदर्शनको तयारीमा रहेको चलचित्र ‘महापुरूष’ ले मंगलबार चितवनमा प्रिमियर गरिएको छ । ‘मोफसल प्रिमियर’ अन्तर्गत चितवनस्थित सिनेप्लेक्समा प्रिमियर भएको हो ।
चलचित्रको प्रिमियर हेर्न प्रमुख जिल्ला अधिकारी (सिडिओ) अस्मान तामाङ , जिल्ला प्रहरी कार्यालय चितवनका प्रमुख एसपी नवराज अधिकारी,भरतपुर महानगरको उपमेयर चित्रसेन अधिकारी ,उद्योग वाणिज्य संघ चितवनका अध्यक्ष चुननारायण श्रेष्ठ लगायतको उपस्थिति रहेको थियो ।
चलचित्र हेरे पछि सिडिओ अस्मान तामाङ फिल्म निकै सुन्दर र मार्मिक भनेको हुदा सबैलाई हेर्न अनुरोध समेत गर्नु भयो ।भरतपुर महानगरको उपमेयर चित्रसेन अधिकारीले आफु धेरै पछि हलमा पुगेर चलचित्र हेरेको र चलचित्रले मन छोएको बताउनु भयो साथी सबै परिवार एक पटक हलमा पुगेर हेर्ने चलचित्र बनेको बताउनु भयो ।चलचित्र हेरेर निस्किने सबैले चलचित्रको खुलेरै तारिफ गरेका छन् ।दर्शकले चलचित्रले हँसाउँदा हँसाउँदै रुवाउँन र रुवाउँदा रुवाउँदै हँसाउँनुको साथै हरेक घरको कथा बोलेको बताए ।
दुवै पर्दामा भएको प्रिमियरमा चार सय दर्शकले फिल्म हेरेका छन् । कार्यकारी निर्माता रविन्द्रसिंह बानियाँले मोफसलका सञ्चारकर्मी र फिल्मप्रेमीलाई मध्यनजर गर्दै दुई स्थानमा प्रिमियर गर्न लागिएको बताए। ‘प्रिमियरबाट पाएको प्रतिक्रिया उत्साहजनक छ । चितवनमा प्रिमियर हुँदा स्थानीय पनि उत्साहित हुनुहुन्छ । हामीले मोफसलमा देखाएका हौँ’, बानियाँले भने ।
चितवन प्रिमियरमा निर्माता बानियाँसँगै निर्देशक तथा लेखक प्रदीप भट्टराई सहभागी रहे। आफ्नो फिल्मको मोफसलमा प्रिमियर गर्ने रहर पूरा भएको निर्देशक भट्टराईले बताए । ‘मेरो फिल्म मोफसलमा पनि प्रिमियर गरौँ भन्ने चाहना थियो । त्यो यसपटक पूरा भयो’, निर्देशक भट्टराईले भने । फिल्मकै काममा अल्झिने हुँदा मोफसलमा यसअगाडि यस्ता इभेन्ट गर्न नसकिएको उनले बताए ।
फिल्ममा मदनकृष्ण श्रेष्ठ, हरिवंश आचार्य, रविन्द्रसिंह बानियाँ, राजाराम पौडेल, गौरी मल्ल, शिखा तामाङ, कोपिला थापा, शिरु विष्ट, कविता श्रेष्ठ, नरेन्द्र कंसाकार, सविन बास्तोला, नरेश पौड्याल, प्रेम पाण्डे, सुमन रिमाल, माधव अधिकारी, प्रकाश भट्टराई, घनश्याम जोशी, अर्जुन आचार्य, पण्डित प्रज्वल लुइँटेल लगायतको अभिनय रहेको छ । यहिँ फिल्म मार्फत अरुण क्षेत्री र अन्जना बराइलीले डेब्यु गर्दैछन् ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.