शून्य दशमलब पाँच प्रतिशतभन्दा कम जनसंख्या रहेका जातिलाई अल्पसंख्यकको रुपमा तोक्ने मन्त्री परिषदको निर्णय

नमस्ते चितवन

बिहिबार, पुष ०५, २०८० मा प्रकाशित

काठमाडौं ५ पुस २०८०

मन्त्रिपरिषद्को आज बसेको बैठकले अल्पसंख्यक जातजाति (दलित बाहेक)लाई अल्पसंख्यकको रुपमा तोक्ने निर्णय गरेको छ । राष्ट्रियसभा सदस्य निर्वाचन ऐन, २०७५ को दफा २ को खण्ड (ख)को प्रयोजनका लागि राष्ट्रिय जनगणना, २०७८ को कूल जनसंख्याको ०.५ (शून्य दशमलब पाँच) प्रतिशतभन्दा कम जनसंख्या रहेका अल्पसंख्यक जाति (दलितबाहेक)लाई अल्पसंख्यकको रुपमा तोक्ने निर्णय गरेको हो ।

यस्तै मन्त्रिपरिषद्ले सामाजिक समितिबाट पेश भएको सरकारी कार्यालयले सामाजिक सञ्जाल प्रयोग गर्ने सम्बन्धी निर्देशिका, २०८० स्वीकृत गरेको छ । सामाजिक समितीबाट पेस भएको ३ वटा निती पास गर्ने निर्णय गरेको हो । यसैगरि सामाजिक समितिबाट पेश भएको अपाङ्गता भएका व्यक्ति सम्बन्धी राष्ट्रिय नीति, २०७९ पनि स्वीकृत गर्ने निर्णय गरेकोछ । त्यस्तै सामाजिक समितिबाट पेश भएको राष्ट्रिय बालबालिका नीति, २०७९ स्वीकृत गर्ने निर्णय गरेको छ ।

आज बसेको मन्त्री परिषदको बैठकले ४ वटा यजेन्डा माथि निर्णय गरेको छ । यसमा सामाजिक समितीबाट मात्रै ३ वटा निती पास गर्ने ऐजेण्डा प्रस्तुत भएको थियो ।