त्यसअघि राजीव गान्धी अन्तर्राष्ट्रिय स्टेडियममा टस जितेर पहिला ब्याटिङ थालेको हैदरावादले निर्धारित २० ओभरमा ३ विकेट गुमाउँदै २०१ रन बनाएको थियो।

हैदरावादका ट्राभिस हेडले ४४ बलमा ६ चौका ३ छक्कासहित ५८ रन बनाए। अभिषेक शर्मा १२ र अनमोलप्रीत सिंह ५ रनमा आउट हुँदा नितिशकुमार रेड्डी ६७ र हेनरिक क्लासेन ४२ रनमा अविजित रहे।

राजस्थानमा आवेश शाखले २ विकेट लिँदा सन्दीप शर्माको नाममा १ विकेट रह्यो। जितसँगै चौथो स्थानमा रहेको हैदरावादको १० खेलबाट १२ अंक रहेको छ।

शीर्ष स्थानको राजस्थानको समान खेलबाट १६ अंक रहेको छ। हैदरावादको जारी लिगमा यो दोस्रो हार हो। यसअघि गुजरात टाइटन्ससँग राजस्थान ३ विकेटले पराजित भएको थियो।