पारिवारिक कमेडी ‘चमेलीको पोइ’ को रिलिज डेट तय

नमस्ते चितवन

मङ्गलबार, जेठ २६, २०८३ मा प्रकाशित

काठमाडौं, जेठ २६
निर्देशक एभरेष्ट सूर्य बोहरा को निर्देशनमा बनेको बहुप्रतीक्षित फिल्म चमेलीको पोइ को प्रदर्शन मिति घोषणा गरिएको छ। निर्माण टिमले फिल्मलाई आगामी असोज १६ गते, दशैंको अवसर पारेर विश्वव्यापी रूपमा प्रदर्शनमा ल्याउने तयारी गरेको छ।

निर्माण चरणदेखि नै चर्चामा रहेको फिल्मले फर्स्टलुक सार्वजनिक भएसँगै दर्शकमाझ उत्साह बढाएको थियो। पारिवारिक कमेडी कथावस्तुमा आधारित फिल्ममा सुरक्षा पन्त, मुकुन भुसाल, नारायण त्रिपाठी, विल्सन विक्रम राई, रविन्द्र झा, अंशु महर्जन, खड्कबहादुर पुन लगायतका कलाकारहरूको अभिनय रहेको छ।

धनलक्ष्मी सिने मेकर्स को ब्यानरमा निर्माण भएको फिल्मका निर्माता सुनीता सापकोटा र रामनारायण उपाध्याय हुन्। कार्यकारी निर्मातामा उदय बिक्रम राणा, रितु मल्ल ठकुरी र कपील आचार्य रहेका छन्।

फिल्मको कथा निर्देशक बोहराकै हो भने पटकथा तथा संवाद लेखनमा शिवम अधिकारी ले सहकार्य गरेका छन्। सहनिर्मातामा सुदिप कुँवर, सुमित्रा थापा, नारायण त्रिपाठी, प्रदीपकुमार सापकोटा र यमप्रसाद वली रहेका छन्।

फिल्मको अर्को विशेष आकर्षण झण्डै दुई दशकपछि हास्य कलाकार नारायण त्रिपाठी को ठूलो पर्दामा पुनरागमन हो। उनले फिल्ममा महत्वपूर्ण भूमिका निर्वाह गरेका छन्।

मुस्ताङ, पोखरा र काठमाडौंका विभिन्न स्थानमा छायांकन गरिएको फिल्ममा राजनराज शिवाकोटी र आशिष अविरल को संगीत रहेको छ। कविराज गहतराज को कोरियोग्राफी तथा कुमार महर्जन को एक्सन निर्देशन रहेको फिल्मलाई आरआर फिल्म्स ले वितरण गर्नेछ भने डिजिटल पार्टनर ओएसआर रहेको छ।