काठमाडौं । नेपाल चलचित्र निर्देशक समाजको आसन्न १८औँ वार्षिक साधारण सभा तथा चुनावी अधिवेशनलाई लक्षित गर्दै अध्यक्ष पदका उम्मेदवार अरुण कुमार प्रधान नेतृत्वको ‘टिम अरुण’ चुनावी मैदानमा सशक्त रूपमा उत्रिएको छ । “सशक्त निर्देशक, समृद्ध नेपाली सिनेमा” भन्ने मूल नारासहित टिमले निर्देशक समाजलाई पारदर्शी, डिजिटल, व्यवस्थित र अन्तर्राष्ट्रिय स्तरको संस्थाका रूपमा विकास गर्ने प्रतिबद्धता सार्वजनिक गरेको हो ।
निर्देशकहरूको हकहित, सम्मान, उद्योगको पुनर्जागरण तथा चलचित्र क्षेत्रको संरक्षण र प्रवर्द्धनलाई प्राथमिकतामा राख्दै टिम अरुणले नयाँ सोचसहित नेतृत्वमा आउन खोजेको जनाएको छ । “एकता, सम्मान र सिर्जनशीलताको साझा अभियान” लाई आत्मसात गर्दै निर्देशक समाजलाई अझ प्रभावकारी र जिम्मेवार संस्थाका रूपमा रूपान्तरण गर्ने योजना टिमले अघि सारेको छ ।
टिमले प्रस्तावित चलचित्र विधेयकलाई निर्देशकमैत्री बनाउन सक्रिय र सशक्त भूमिका निर्वाह गर्ने प्रतिबद्धता समेत जनाएको छ । नेपाली चलचित्र उद्योगलाई समयानुकूल, व्यवसायिक र सिर्जनशील बनाउने लक्ष्यसहित अरुण कुमार प्रधान अध्यक्ष पदमा प्रतिस्पर्धा गरिरहेका छन् ।
उनको प्यानलबाट महासचिवमा समुद्र भट्ट, वरिष्ठ उपाध्यक्षमा शुभाष गजुरेल, उपाध्यक्षमा दीपक वली, सचिवमा राजबहादुर साने, कोषाध्यक्षमा उत्सव के.सी. र सह–कोषाध्यक्षमा भिम तामाङ उम्मेदवार रहेका छन् । सदस्य पदका लागि लक्ष्मण सुनार, यम शेर्पा र सागर केरुङ चुनावी प्रतिस्पर्धामा छन् ।
निर्देशक समाजको नेतृत्वका लागि ‘टिम अरुण’ले अघि सारेको योजना र प्रतिबद्धताले नेपाली चलचित्र उद्योगमा नयाँ ऊर्जा, नयाँ गति र सशक्त नेतृत्वको संकेत दिएको विश्लेषण गरिएको छ । चुनाव नजिकिँदै जाँदा निर्देशक समाजभित्र चुनावी सरगर्मी थप बढ्दो क्रममा देखिएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.