प्रधानमन्त्री ‘प्रचण्ड’द्धारा पीडित परिवारलाई दोषी माथी कडा कार्वाहि गर्ने आश्वसन

नमस्ते चितवन

शनिबार, पुष १४, २०८० मा प्रकाशित

प्रधानमन्त्री पुष्पकमल दाहाल ‘प्रचण्ड’ले पीडित परिवारलाई दोषी माथी कडा कार्वाहि गर्ने आश्वसन दिनुभएको छ । उहाँले बालकुमारीमा शुक्रबार भएको घटनामा दोषि देखिएका जो कोहिलाई कारबाही गरिने प्रतिबद्धता व्यक्त गर्नु भयो । प्रधानमन्त्री पुष्पकमल दाहाल ‘प्रचण्ड’ सँग घटनाका पीडित परिवारजनले भेट गर्ने क्रममा यस्तो प्रतिबद्धता व्यक्त गर्नु भएको हो ।

भेटमा पीडित परिवारजनले घटनाको सत्यतथ्य र निष्पक्ष छानबिन गरी दोषीमाथि कडा कारबाही गर्न सरकारको ध्यानाकर्षण गराएका थिए। प्रधानमन्त्री निवास बालुवाटारमा आज भएको भेटमा प्रधानमन्त्री प्रचण्डले घटनाको यथार्थ पत्ता लगाउन सरकारले छानबिनको प्रक्रिया अघि बढाइसकेको बताउनु भयो ।

प्रधानमन्त्रीले उक्त घटनालाई सरकारले गम्भीर रुपमा लिएको र प्रारम्भिक चरणमा दोषी देखिएकालाई निलम्बन गरिसकिएको पीडित पक्षलाई जानकारी गराउनु भएको प्रधानमन्त्रीको सचिवालयले जनाएको छ। “छानबिनबाट सत्यतथ्य जे आउँछ, जो दोषी देखिन्छन् तिनलाई कारबाही हुन्छ, आगामी दिनमा यस्ता घटना हुँदैनन्”, प्रधानमन्त्रीको भनाइ उद्धृत गर्दै उहाँका प्रेस सल्लाहकार गोविन्द आचार्यले भन्नुभयो ।

बालकुमारीस्थित इपिएस कोरिया शाखा कार्यालयमा परीक्षा फाराम भर्ने विषयलाई लिएर भएको प्रदर्शनका क्रममा अछाम चौरपाटी गाउँपालिका–१ का वीरेन्द्र शाह र दैलेख महाबु गाउँपालिका–६ का सुजन राउतको मृत्यु भएको थियो ।