काठमाडौं ,बैशाख २९
चेन्नई सुपर किंग्सलाई पराजित गर्दै गुजरात टाइटन्सले इन्डियन प्रिमियर लिग (आईपीएल) मा प्लेअफ दौडलाई रोचक बनाएको छ। शुक्रबार राति सम्पन्न खेलमा गुजरात ३५ रनले विजयी भएको हो। जितसँगै आठौँ स्थानमा उक्लिएको गुजरातको १२ खेलबाट १० अंक रहेको छ।
जितसँगै गुजरातले प्लेअफमा पुग्ने सम्भावना मात्र बढाएको छैन, चेन्नईसँगै लखनउ सुपर जायन्ट्स र दिल्ली क्यापिटल्सका लागि पनि समस्या सिर्जना गरेको छ।
पराजित चेन्नई समान खेलबाट १२ अंक जोड्दै चौथो स्थानमा रहेको छ। पाँचौँ र छैटौँ स्थानमा रहेको दिल्ली र लखनउको पनि समान १२/१२ अंक रहेको छ।गुजरातले दिएको २३२ रनको लक्ष्य पछ्याएको चेन्नईले निर्धारित २० ओभरमा ८ विकेट गुमाउँदै १९६ रन मात्रै बनाउन सक्यो।
चेन्नईका डेरिल मिचेलले सर्वाधिक ६३ रन बनाए। ३४ बल खेलेका उनले ७ चौका र ३ छक्का प्रहार गरे। मोइन अली ५६, शिवम दुबे २१ र रविन्द्र जडेजा १८ रनमा आउट हुँदा महेन्द्रसिंह धोनी २६ र शार्दुल ठाकुर ३ रनमा अविजित रहे।
गुजरातका मोहित शर्माले सर्वाधिक ३ विकेट लिए। ४ ओभर बलिङ गरेका उनले ३१ रन खर्चिए। राशिद खानले २ विकेट लिँदा उमेश यादव र सन्दीप वारियरको नाममा १/१ विकेट रह्यो।
त्यसअघि नरेन्द्र मोदी स्टेडियममा टस हारेर पहिला ब्याटिङ थालेको गुजरातले निर्धारित २० ओभरमा ३ विकेट गुमाउँदै २३१ रन बनाएको हो।
गुजरातका कप्तान गिलले सर्वाधिक १०४ रन बनाए। ५५ बल खेलेका उनले ९ चौका र ६ छक्का प्रहार गरे। गिलको आईपीएल करिअरमा यो चौथो शतक हो।
सुदर्शनले ५१ बलमा ५ चौका र ७ छक्कासहित १०३ रन बनाए। आईपीएलमा सुदर्शनको यो पहिलो शतक हो। पहिलो विकेटका लागि यी दुईबीच २१० रनको साझेदारी भएको थियो।
शाहरुख खान २ रनमा आउट हुँदा डेभिड मिलर १६ रनमा अविजित रहे। चेन्नईका तुषार देशपाण्डेले २ विकेट लिए। ४ ओभर बलिङ गरेका उनले ३३ रन खर्चिए।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.