राष्ट्र बैंकले कोभिडकालीन समयमा असल वर्गको कर्जामा पनि नोक्सानी व्यवस्था बढाएको थियो। एक प्रतिशत हाराहारी रहेको यस्तो व्यवस्थालाई वृद्धि गरेर १.३ प्रतिशत पुर्‍याएको थियो।

अहिले पनि बैंक तथा वित्तीय संस्थामा एक खर्ब १५ अर्बभन्दा धेरै अधिक तरलता छ। बैंकहरूमा अधिक तरलता भएको कारण राष्ट्र बैंकले बजारबाट तरलता उठाइरहेकै छ। हाल निक्षेप संकलन अक्सन विधिबाट मात्रै राष्ट्र बैंकले सय अर्बभन्दा धेरै तरलता खिच्ने गरेको छ।राष्ट्र बैंकले घरजग्गा खरिद प्रयोजनको लागि ऋण भुक्तानी आम्दानी अनुपात ५० प्रतिशतबाट बढाएर ७० प्रतिशत कायम गर्ने भएको छ।

अब ग्राहकले आफ्नो आम्दानीको ७० प्रतिशत रकम किस्ता तिर्न सक्ने गरेर ऋण पाउने भएका छन्। कर चुक्ता प्रमाण पेस गरेका आधारमा यो अनुपातमा कर्जा पाउने भएको हो। अहिले सस्तो ब्याजदर रहेको समयमा यसले घर कर्जा लिन चहानेलाई प्रोत्साहित गर्ने अपेक्षा राष्ट्र बैंकको हो।