नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले सामन्ती राजतन्त्र नफर्किने बताउनुभएको छ । तराई मधेश जागरण हुलाकी मार्ग अभियानमा सहभागी हुन सुदूरपश्चिम पुग्नुभएको अध्यक्ष प्रचण्डले मङ्गलबार टीकापुर नगरपालिका–९ झुङ्गामा आयोजितसभालाई सम्बोधन गर्नुहुँदै यस्तो बताउनुभएको हो ।
‘‘बुद्धि भए पनि नभए पनि, जतिसुकै ठग डाँका भए पनि वंशका आधारमा राजा हुने व्यवस्था हटाएर सार्वभौमसत्ता सम्पन्न जनता हुने संविधान जनताका छोराछोरीले लेखिसके ।,’’ प्रचण्डले भन्नुभयो, ‘‘बेला मौकामा संविधान कुल्चेर राजा महाराजा कहाँ सत्ता लिन सकिन्छ कि तानाशाहीतिर जान सकिन्छ भनेर कोसिश गर्दैछन् अब इतिहास फर्किदैन ।’’
अध्यक्ष प्रचण्डले सामन्तीहरुका विरुद्ध क्रान्तिकारीहरुले चैत १५ गते काठमाडौँमा विशाल प्रदर्शन गरेपछि राजावादीहरुले हत्या, हिंसा, आगजनी गरेर वितण्डा मच्चाएको र असफल भएर पतनको बाटोमा गएको बताउनुभयो ।
थोरै सिटको पार्टीले सरकार चलाउनु हुँदैन भनेर ठुला दल मिलाएर माओवादी सरकाबाट बाहिरिदा पनि फाइदा भएको र भ्रष्टाचारको विरोध सुशासनको पक्षमा, विभेदका विरुद्धमा सामाजिक न्यायका पक्षमा काम गर्ने सङ्कल्प लिएर अभियानमा आएको बताउँदै अध्यक्ष प्रचण्डले अब सरकार चलाउन पुग्ने गरी भोट आग्रह गर्नुभयो ।
उहाँले सहिद परिवार, बेपत्ताका परिवार, घाइते अपाङग, जेलनेल भोगेका र आम नागरिक गरी एक करोड मानिससम्म पुगेको पनि बताउनुभयो ।
यसैगरी, अध्यक्ष प्रचण्डले आफ्नो पार्टी जगैबाट देशको अर्थतन्त्र राम्रो बनाउन लागेको बताउनुभयो ।
‘‘माओवादीले जितेका १२३ वटै पालिकामा काम भइरहेको छ । वैधानिक संस्थाहरुले गरेका मूल्याङ्कनले राम्रो काम गर्ने पहिलो, दोस्रो, तेस्रो भएका पालिका र महानगरपालिकामा वर्षेनी पहिलो हुने महानगरपालिकामा पनि नेकपा माओवादी केन्द्रले जितेको छ । माओवादीको सरकार टाढैबाट देखिने हुनुपर्छ ।’’
अभियानमा नेकपा माओवादी केन्द्रका नेताहरु नारायणकाजी श्रेष्ठ, नन्दबहादुर पुन, पम्फा भुषाल, अग्नीप्रसाद सापकोटा, देवप्रसाद गुरुङ, गिरिराजमणी पोखरेल, खगराज भट्ट लगायत सहभागी हुनुहुन्छ ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.