‘पछिल्लो समय नेपाली चलचित्रहरू निकै राम्रो बन्न थालेका छन्,’ उनले भने, ‘त्यसमध्ये “आ बाट आमा” एक अत्यन्त सशक्त पारिवारिक चलचित्र हो। यो फिल्म हलमा गएर हेर्न म दर्शकलाई आग्रह गर्न चाहन्छु।’

सेन्सर बोर्डका सदस्यहरूबाट आएको सकारात्मक प्रतिक्रियापछि निर्माण पक्ष चलचित्रप्रति थप उत्साहित देखिएको छ। चुनावी माहोल तातिएको समयमा पनि फिल्मको हाइप घटेको छैन।

फिल्मका गीत ‘लैजा खबर ए हावा’ र ‘जाँदैछु नौ डाँडा काटेर’ ले पनि दर्शकलाई भावुक बनाइरहेका छन्। यी गीतले युट्युबमा हालसम्म ३० लाखभन्दा बढी भ्युज प्राप्त गरिसकेका छन्।

आर्या इन्टरटेन्मेन्टको प्रस्तुतिमा निर्माण भएको यस चलचित्रको निर्देशन चन्द्र पन्त ले गरेका हुन्। उनकै कथा तथा पटकथामा बनेको फिल्ममा विपना थापा, पल शाह, प्रदीप रावत, उषा उप्रेती, सिम्रन पन्त, साइग्रेस पोखरेल, गजित बिष्ट र बेगम नेपाली लगायत कलाकारको अभिनय रहेको छ।

चलचित्रको संगीत कोशिस क्षेत्री, बाबुल गिरी र थानेश्वर गौतम को रहेको छ। कोरियोग्राफी गंभीर बिष्ट र दिलिप ओखेडा ले गरेका छन् भने संवाद अभिमन्यु निरवी द्वारा लिखित हो, जसमा अमर न्यौपाने, अभिमन्यु निरवी र चन्द्र पन्त को सहकार्य छ।

फिल्ममा कृष्णप्रसाद सुवेदी, ओमकार पन्त, प्रकाशजंग कुँवर, ध्रुवप्रसाद न्यौपाने र क्षितिज ढुंगाना को लगानी रहेको छ। कार्यकारी निर्माता करण सिंह रसाली हुन्। छायांकन नवराज उप्रेती, सम्पादन मिलन श्रेष्ठ, ट्रेलर तथा टिजर निर्माण साहिल खान ले गरेका छन्। चलचित्रको वितरण आरआर फिल्म्स ले गर्दैछ भने डिजिटल अधिकार ओएसआर डिजिटल सँग रहेको छ।