काठमाडौं । चलचित्र ‘फ्रेन्च किस’ मा सुपरस्टार अभिनेत्री रेखा थापा आबद्ध भएकी छन्। छायांकनरत चलचित्रको निर्माणपक्षले अभिनेत्री रेखालाई औपचारिक रूपमा अनुबन्ध गरेको हो।
केही दिनदेखि चितवनका विभिन्न स्थानमा छायांकन भइरहेको यस चलचित्रलाई नयाँ पुस्ताको प्रेमकथामा आधारित बनाइँदैछ। अभिनेत्री रेखाको प्रवेशसँगै चलचित्र अझ सशक्त, आकर्षक र प्रतिक्षित बन्ने विश्वास निर्माण टिमले व्यक्त गरेको छ।
चलचित्रका कार्यकारी निर्माता सौगात बस्नेत भन्छन्,“रेखा थापा नेपाली चलचित्र क्षेत्रमा निरन्तर सक्रिय र लोकप्रिय अभिनेत्री हुनुहुन्छ। उहाँको दमदार अभिनय, प्रभावशाली उपस्थिति र स्टारडमले ‘फ्रेन्च किस’लाई थप उचाइमा पुर्याउने हाम्रो विश्वास छ। विभिन्न सफल चलचित्रमार्फत उहाँले आफ्नो छुट्टै पहिचान स्थापित गरिसक्नुभएको छ। अब नयाँ पुस्ताको प्रेमकथामा उहाँलाई फरक रूपमा प्रस्तुत गर्न पाउँदा हामी उत्साहित छौँ।”
बस्नेतका अनुसार, रेखाको अनुभव र लोकप्रियताले चलचित्रलाई राष्ट्रिय तथा अन्तर्राष्ट्रियस्तरमा समेत चर्चा दिलाउने अपेक्षा गरिएको छ।
ए.टी.एफ. प्रोडक्सन प्रा.लि. को ब्यानरमा निर्माण हुने यस चलचित्रलाई अभिनेता समेत रहेका अर्पण थापा ले निर्देशन गरिरहेका छन्। चलचित्रमा अर्पण थापा स्वयं र ‘शाम्बाला’ फेम्ड अभिनेत्री थिन्ले ल्हामो मुख्य भूमिकामा छन् भने वरिष्ठ अभिनेत्री गौरी मल्ल पनि महत्वपूर्ण भूमिकामा देखिनेछिन्।
चलचित्रका कार्यकारी निर्माता सौगात बस्नेत र सह–निर्माता सुभाष बी. शाही हुन्। सुदीप बराल को सिनेमेटोग्राफी रहने चलचित्रको संगीत चर्चित गायक तथा संगीतकार दीपक बज्राचार्य ले दिएका छन्।
चलचित्रको पब्लिसिटी डिजाइनको जिम्मेवारी रोयल भीमसेन (ट्राइडेन्ट कन्सेप्ट) ले लिएको छ। निर्माण पक्षले सन् २०२६ भित्र ‘फ्रेन्च किस’ प्रदर्शनमा ल्याउने लक्ष्य राखेको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.