काठमाडौं । निर्देशक बिनयराज पौडेलको निर्देशनमा नयाँ नेपाली फिल्म अक्षरा निर्माण हुने भएको छ। निर्माण टिमले मंगलबार फिल्मको शीर्षक सार्वजनिक गर्दै थिम पोस्टर पनि सार्वजनिक गरेको हो।
सार्वजनिक पोस्टरमा एक महिला साइड ब्याक झोला बोकेर बिहानीको समयमा कतै हिँड्दै गरेको दृश्य देखाइएको छ। पोस्टरले फिल्मको गम्भीर र रहस्यमय कथावस्तुको संकेत गर्दै नारीप्रधान विषयवस्तु समेटिएको हुनसक्ने अनुमान गरिएको छ।
क्षित बाबु प्रोडक्सन हाउसको प्रस्तुतिमा निर्माण हुन लागेको फिल्मको छायांकन आगामी वैशाख २७ गतेबाट सुरु गरिने निर्माण पक्षले जनाएको छ। कलाकारहरूको नाम भने हालसम्म गोप्य राखिएको छ, जसले दर्शकमाझ थप कौतूहलता सिर्जना गरेको छ।
राजन दुलाल प्रस्तुतकर्ता रहेको यस फिल्ममा उग्रसेन ढुंगाना र सुरज थापा निर्माता रहेका छन्। फिल्मको कथा निर्माता उग्रसेन ढुंगानाले लेखेका हुन् भने पटकथा अभिमन्यु निरवीले तयार पारेका छन्।
निर्देशक बिनयराज पौडेलका लागि ‘अक्षरा’ डेब्यु निर्देशन फिल्म हो। यसअघि उनले नेपाली फिल्म क्षेत्रमा दर्जनौं चलचित्रमा मुख्य सहायक निर्देशकका रूपमा काम गरिसकेका छन्। लामो अनुभवपछि उनले यही फिल्ममार्फत निर्देशकको रूपमा आफ्नो नयाँ यात्रा सुरु गर्न लागेका हुन्।
निर्माण पक्षले फिल्मको कथावस्तु, कलाकार र अन्य विस्तृत जानकारी क्रमशः सार्वजनिक गर्दै जाने जनाएको छ। नयाँ विषयवस्तु र रहस्यमय प्रस्तुतिका कारण ‘अक्षरा’प्रति प्रारम्भिक चासो बढ्दो देखिएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.