काठमाडौं । नेपाली चलचित्र क्षेत्रमा भावनात्मक विरासत बोकेको नाम गौथली नयाँ स्वरूपमा दर्शकमाझ आउने भएको छ। झण्डै दुई दशकअघि वरिष्ठ चिकित्सक डा. भोला रिजालको कथामा निर्माण भएको ‘गौथली’ले उल्लेखनीय सफलता हासिल गरेको थियो भने अब सोही भावनात्मक विरासतलाई नयाँ पुस्तासामु पुनः प्रस्तुत गर्ने तयारी गरिएको छ।
निर्देशक डा. कपिल रिजालले निर्देशन गरेको यस चलचित्रको प्रदर्शन मिति आगामी साउन १ गते (जुलाई १७) तय गरिएको छ। यसअघि निर्देशक रिजालले ‘ह्यारीकी प्यारी’ निर्देशन गरेका थिए।
फिल्ममा अरुण क्षेत्री र सिम्रन खड्का मुख्य भूमिकामा देखिनेछन्। उनीहरूसँगै मदनकृष्ण श्रेष्ठ, प्रकाश घिमिरे, लुनिभा तुलाधर, रविन्द्र झा, ईश्वरी बराललगायत कलाकारहरूको अभिनय रहेको छ। बाल कलाकारका रूपमा अंशु ओली र प्रिन्स नेपाली पनि प्रस्तुत हुनेछन्।
फिल्मको कथा डा. भोला रिजालको हो भने पटकथा तथा संवादमा निर्देशक कपिल रिजालसँगै निश्चल कुँवर, निरज नेपाल र गिरिराज घिमिरेको सहकार्य रहेको छ। निर्माण पक्षका अनुसार ‘गौथली’को प्रतीकात्मक अर्थ घर, परिवार र आपसी सामीप्यतासँग जोडिएको छ।
भोला रिजाल प्रोडक्सन र सुमन गिरी प्रोडक्सनको प्रस्तुतिमा बनेको फिल्ममा सरला रिजाल कार्यकारी निर्माता रहेकी छन् भने सुमन गिरी र डा. कपिल रिजाल निर्माता हुन्।
प्राविधिक पक्षमा वरिष्ठ संगीतकार शम्भुजीत बासकोटा, थानेश्वर गौतम र प्रशान्त सिवाकोटीको संगीत रहेको छ। हरि हुमागाईंको छायांकन, मिलन श्रेष्ठको सम्पादन तथा एलिस कार्कीको पार्श्व संगीतले फिल्मलाई थप सशक्त बनाउने अपेक्षा गरिएको छ।
रिच इन्टरटेनमेन्ट, एप्पल इन्टरटेनमेन्ट र एफ.डी. कम्पनीले वितरण गर्ने यस चलचित्रको डिजिटल अधिकार ओएसआर डिजिटलसँग रहेको छ।परिवार, सम्बन्ध र सामीप्यताको भावनात्मक कथा प्रस्तुत गर्ने ‘गौथली’ले नेपाली दर्शकमाझ पुनः गहिरो प्रभाव छोड्ने अपेक्षा गरिएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.