काठमाडौं । आयोजक राष्ट्र अमेरिकाले फिफा विश्वकप २०२६ मा आफ्नो उत्कृष्ट लयलाई कायम राख्दै अष्ट्रेलियालाई २–० ले पराजित गरेको छ। लगातार दोस्रो जित निकाल्दै अमेरिका प्रतियोगिताको राउन्ड अफ ३२ मा प्रवेश गर्ने पहिलो टोलीमध्ये एक बनेको छ।
सिएटल स्टेडियममा सम्पन्न समूह ‘डी’ को खेलमा अमेरिकाले सुरुदेखि नै आक्रामक खेल प्रदर्शन गरेको थियो। खेलको ११औँ मिनेटमा अष्ट्रेलियाका डिफेन्डर क्यामरुन बर्गेसबाट आत्मघाती गोल भएपछि अमेरिका अग्रतामा पुगेको थियो। बल क्लियर गर्ने प्रयासमा बर्गेसले आफ्नै पोस्टमा गोल गरेपछि घरेलु टोलीले सहज सुरुआत पायो।
पहिलो हाफको अन्त्यतिर अमेरिकाले आफ्नो अग्रता दोब्बर बनायो। ४३औँ मिनेटमा एलेक्स फ्रीम्यानले उत्कृष्ट गोल गर्दै टोलीलाई २–० को बलियो अवस्थामा पुर्याए।
दोस्रो हाफमा अष्ट्रेलियाले खेलमा फर्किने प्रयास गरे पनि अमेरिकी रक्षापंक्तिलाई भेद्न सकेन। अमेरिकाले पनि बाँकी समयमा आफ्नो अग्रता सुरक्षित राख्दै महत्वपूर्ण तीन अंक हात पार्यो।
यो जितसँगै अमेरिकाले दुई खेलबाट शतप्रतिशत नतिजासहित ६ अंक जोडेको छ। समूह ‘डी’ को शीर्ष स्थानमा रहेको अमेरिका एक खेल बाँकी छँदै नकआउट चरणमा पुगेको हो।
यता, अष्ट्रेलिया भने तीन अंकसहित दोस्रो स्थानमा रहेको छ। समूहका बाँकी खेलले अर्को चरणमा पुग्ने टोलीको टुंगो लगाउनेछ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.