काठमाडौं । स्टार फरवार्ड एर्लिङ हालान्डको उत्कृष्ट प्रदर्शनमा नर्वेले फिफा विश्वकप २०२६ अन्तर्गत समूह चरणको रोमाञ्चक खेलमा अफ्रिकी च्याम्पियन सेनेगललाई ३–२ गोलअन्तरले पराजित गरेको छ। न्यूजर्सी स्टेडियममा सम्पन्न खेल अन्तिम मिनेटसम्म निकै प्रतिस्पर्धात्मक बनेको थियो।
नर्वेले पहिलो हाफको अन्त्यतिर अग्रता लिएको थियो। ४३औँ मिनेटमा मार्कस होल्मग्रेन पेडेरसनले गोल गर्दै टोलीलाई १–० को अवस्थामा पुर्याए। पहिलो हाफमा अग्रता बनाएको नर्वेले दोस्रो हाफ सुरु भएको केहीबेरमै हालान्डको गोलमार्फत आफ्नो पकड थप बलियो बनायो।
२–० ले पछि परेको सेनेगलका लागि इस्माइला सारले ५३औँ मिनेटमा गोल गर्दै आशा जगाए। तर, त्यसको पाँच मिनेटपछि नै हालान्डले व्यक्तिगत दोस्रो गोल गर्दै नर्वेलाई ३–१ को आरामदायी अवस्थामा पुर्याए।
खेलको इन्जुरी समयमा सारले पुनः गोल गर्दै अन्तर घटाए पनि सेनेगललाई हारबाट जोगाउन त्यो पर्याप्त भएन। अन्ततः नर्वेले ३–२ को महत्वपूर्ण जित दर्ता गर्दै अर्को चरणको यात्रा सुनिश्चित गर्यो।
यस जितसँगै नर्वेले विश्वकपको अन्तिम ३२ मा स्थान सुरक्षित गरेको छ। प्रतियोगितामा हालान्डले दुई खेलमा चार गोल गरिसकेका छन् र उनी सर्वाधिक गोलकर्ताको दौडमा बलियो दाबेदार बनेका छन्।
अब समूह चरणको अन्तिम खेलमा नर्वेले फ्रान्सको सामना गर्नेछ भने सेनेगलले इराकसँग प्रतिस्पर्धा गर्नेछ। दुवै खेल आगामी शनिबार हुने तालिका छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.