काठमाडौं । एन्टे बुडिमिरको दोस्रो हाफमा गरेको निर्णायक गोलको मद्दतमा क्रोएसियाले फिफा विश्वकप २०२६ अन्तर्गत समूह ‘एल’को खेलमा पानामालाई १–० ले पराजित गरेको छ। यस जितसँगै क्रोएसियाले प्रतियोगितामा पहिलो तीन अंक जोड्दै नकआउट चरण पुग्ने सम्भावना बलियो बनाएको छ।
क्यानडाको टोरन्टो स्टेडियममा बुधबार बिहान सम्पन्न खेलमा दुवै टोलीले सुरुआतदेखि नै आक्रामक खेल प्रदर्शन गरेका थिए। तर पहिलो हाफ गोलरहित बराबरीमा सकिएको थियो।
दोस्रो हाफको ५३औँ मिनेटमा जोसिप स्टानिसिचको उत्कृष्ट पासमा बुडिमिरले गोल गर्दै क्रोएसियालाई अग्रता दिलाए। त्यही गोल खेलको निर्णायक साबित भयो।
बाँकी समयमा दुवै टोलीले थप गोलका अवसर सिर्जना गरे पनि स्कोरलाइन परिवर्तन हुन सकेन। परिणामस्वरूप क्रोएसियाले महत्वपूर्ण जित निकाल्न सफल भयो।
पहिलो खेलमा इङ्ल्यान्डसँग ४–२ ले पराजित भएको क्रोएसियाले दोस्रो खेलमा पुनरागमन गर्दै नकआउट चरणको आशा कायम राखेको छ। अब उसले समूह चरणको अन्तिम खेलमा घानाको सामना गर्नेछ। उक्त खेलको नतिजाले क्रोएसियाको भविष्य तय गर्नेछ।
यता, लगातार दोस्रो हार बेहोरेको पानामा भने समूह चरणबाटै बाहिरिएको छ। यसअघि पानामा घानासँग पनि १–० ले पराजित भएको थियो। अन्तिम खेलमा उसले इङ्ल्यान्डको सामना गर्नेछ।
यसै खेलमा क्रोएसियाका कप्तान लुका मोड्रिचले अन्तर्राष्ट्रिय फुटबलमा २००औँ खेल पूरा गर्दै अर्को ऐतिहासिक उपलब्धि हासिल गरेका छन्। उनी यो उपलब्धि हासिल गर्ने विश्व फुटबलका चौथा खेलाडी बनेका छन्।
अन्तर्राष्ट्रिय फुटबलमा सर्वाधिक खेल खेल्ने खेलाडीको सूचीमा क्रिस्टियानो रोनाल्डो २३० खेलसहित शीर्ष स्थानमा छन् भने बाडेर अल–मुटावा २०२ र लियोनल मेसी २०१ खेलसहित क्रमशः दोस्रो र तेस्रो स्थानमा रहेका छन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.