काठमाडौं । अभिनेता मुकुन भुषाल नयाँ नेपाली चलचित्र **‘कंगाल करोडपति’**को मुख्य भूमिकामा अनुबन्धित भएका छन्। प्रविन आचार्यको प्रस्तुतिमा बन्न लागेको यस चलचित्रको निर्देशन राजु श्रेष्ठले गर्नेछन्।
चलचित्रमा अनुबन्धित भएपछि मुकुनले आफूलाई यसको कथा र पात्र दुवै मन परेकाले काम गर्न सहमत भएको बताए।
“धेरै फिल्मका प्रस्ताव आइरहेका थिए। तर ‘कंगाल करोडपति’को कथावाचन शैली र मलाई प्रस्ताव गरिएको पात्र फरक र चुनौतीपूर्ण लाग्यो। त्यसैले यो परियोजनामा जोडिने निर्णय गरेँ,” उनले प्रतिक्रिया दिए।
हाल मुकुन अभिनित चलचित्र ‘रोल नम्बर १’ प्रदर्शनरत छ। उक्त चलचित्रपछि उनी अब ‘कंगाल करोडपति’मार्फत फरक भूमिकामा दर्शकमाझ आउने भएका छन्।
सिनेमा पाठशाला प्रालिको ब्यानरमा निर्माण हुन लागेको चलचित्रका निर्माता अनिलकुमार बुढाथोकी हुन्। छिरिङ तामाङ सहनिर्माताका रूपमा आबद्ध छन् भने रीता श्रेष्ठ तामाङ र सुरज कुमार लाइन प्रोड्युसरको भूमिकामा रहेका छन्।
चलचित्रको कथा तथा पटकथा सुमन गजमेरले तयार पारेका हुन्। निर्माण पक्षका अनुसार हाल अन्य कलाकारको छनोट प्रक्रिया जारी छ। सम्पूर्ण कलाकार तथा प्राविधिक टोलीको औपचारिक घोषणा भने केही समयपछि गरिनेछ।
निर्देशक राजु श्रेष्ठले कलाकार छनोट सम्पन्न भएपछि वर्कसप सञ्चालन गरी छायांकन सुरु गर्ने तयारी भइरहेको जानकारी दिएका छन्। निर्माण टिमका अनुसार चलचित्रलाई मनोरञ्जनात्मक शैलीमा प्रस्तुत गर्दै दर्शकलाई नयाँ स्वाद दिने लक्ष्य राखिएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.