युवा पुस्तामाझ प्रचलित शब्द ‘ल्याङ्ग ल्याङ्ग’को अर्थ एउटै विषयमा बारम्बार किचकिच गर्नु, तनाव दिनु वा निरन्तर दबाब सिर्जना गर्नु हो। निर्माण पक्षले यही भावलाई कथाको केन्द्रमा राखेर फिल्म तयार पार्न लागेको जनाएको छ।

फिल्मको थिम पोस्टरमा समावेश गरिएको ‘पालना गर्ने वाचा र बाँच्ने उद्देश्य : यो जीवनको लागि यति मात्र हो’ भन्ने वाक्यले प्रेम, वाचा, धोका र जीवनका उतारचढावलाई कथाको मूल आधार बनाइएको संकेत दिएको थियो।

फिल्मको कथा बलिराम चौहान र उपश्री खतिवडाले संयुक्त रूपमा लेखेका हुन्।

उल्लेखनीय रूपमा, निर्देशक चौहानको पहिलो फिल्म ‘द ब्ल्यू लाइट’ले समीक्षकबाट सकारात्मक प्रतिक्रिया पाए पनि प्रदर्शनका क्रममा परेको निर्वाचनको माहोलका कारण प्रदर्शनको तेस्रो दिनमै हलबाट हटाइएको थियो। यसपटक भने उनी ‘ल्याङ्ग ल्याङ्ग’मार्फत युवा पुस्ताको कथालाई नयाँ शैलीमा पर्दामा उतार्ने तयारीमा छन्।