काठमाडौं । मोडलिङ र सौन्दर्य प्रतियोगिताबाट आफ्नो छुट्टै पहिचान बनाएकी सम्पदा अम्गाईं अब चलचित्र ‘आ बाट आमा २’ मार्फत ठूलो पर्दामा दर्शकमाझ आउँदैछिन्। मेहनत, आत्मविश्वास र निरन्तरताका साथ मनोरञ्जन क्षेत्रमा सक्रिय सम्पदाले यस चलचित्रमा महत्वपूर्ण तथा प्रभावशाली भूमिका निर्वाह गरेकी छन्।

Miss +2 Chitwan र Miss Beautiful Nepal को उपाधि जितिसकेकी सम्पदा म्युजिक भिडियो, सञ्चार तथा विभिन्न सांस्कृतिक र सौन्दर्य प्रतियोगितामा सक्रिय रहँदै आएकी छन्। विभिन्न सम्मानसमेत प्राप्त गरेकी उनी अहिले अभिनय यात्रामा नयाँ अध्याय सुरु गर्ने तयारीमा छिन्।

निर्देशक चन्द्र पन्तको निर्देशनमा बनेको ‘आ बाट आमा २’ मा पल शाह, विपना थापा, आकाश श्रेष्ठ, मलिका महत, रिस्ता गुरुङ, निकिता आचार्य, सबिन श्रेष्ठ, प्रदीप रावत, गजित विष्ट, साइग्रेस पोखरेल र नरेन खड्कालगायत कलाकारहरूको अभिनय रहेको छ।

सम्पदाले आफ्नो भागको डबिङ पनि सफलतापूर्वक सम्पन्न गरिसकेकी छन्। आफ्नो पात्रलाई दर्शकले कस्तो प्रतिक्रिया दिनुहुन्छ भन्ने प्रतीक्षामा रहेकी उनी यस चलचित्रलाई आफ्नो अभिनय करिअरको महत्वपूर्ण उपलब्धिका रूपमा लिएकी छन्।

चलचित्र ‘आ बाट आमा २’ आगामी असोज ३० गते देशभर प्रदर्शनमा आउने तयारीमा रहेको छ।

आइतबार, साउन १०, २०८३ मा प्रकाशित

तपाईको प्रतिक्रिया

सम्बन्धित समाचार

रोमाञ्चक खेलमा नामिबियासँग ३ रनले पराजित नेपाल, विश्वकप छनोटको सम्भावना लगभग समाप्त

आज साउन १२ गते मङ्गलबारको तपाइको राशिफल

सुनसरीका प्रजिअसहित सुरक्षा निकायका प्रमुखलाई फिर्ता बोलाइयो

बुद्धिसागरको कथा, सौरभ चौधरीको निर्देशनमा ‘द राइज अफ साम्राज्य’ निर्माण घोषणा

‘गौंथली’ले जित्यो दर्शकको मन, १० दिनमै ७ करोडभन्दा बढी कमाइ

सुनसरीमा बोलबम यात्राको तयारीका क्रममा हिंसा, गोली लागेर एकको मृत्यु