हाल निर्माण टिमले निर्देशक, लेखक, निर्माता र प्रमुख प्राविधिक टोलीको नाम सार्वजनिक गरे पनि कलाकारको लाइनअप भने गोप्य राखिएको छ। कलाकारहरूको नाम केही दिनभित्र सार्वजनिक गरिने जानकारी दिइएको छ।

चलचित्रको छायांकन भदौको पहिलो सातादेखि सुरु हुनेछ। करिब ७० दिनको छायांकन तालिका तय गरिएको छ, जसअन्तर्गत अधिकांश दृश्य पूर्वी नेपालका विभिन्न स्थानमा खिचिनेछन्।

निर्देशक सौरभ चौधरीले प्रदर्शन मितिबारे अहिले नै हतार नगर्ने बताएका छन्। उनका अनुसार छायांकन र पोस्ट–प्रोडक्सन सम्पन्न भएपछि मात्रै उपयुक्त समय हेरेर रिलिज मिति घोषणा गरिनेछ।

चलचित्रमा मानकृष्ण महर्जन डीओपी, श्री श्रेष्ठ एक्सन निर्देशक, ओएसआर डिजिटल डिजिटल पार्टनर, टौवा स्टुडियो पब्लिसिटी पार्टनर तथा डीसीएन आधिकारिक वितरकका रूपमा आबद्ध छन्।

‘द राइज अफ साम्राज्य’ले नेपाली इतिहासको कुनै विशेष कालखण्डलाई चित्रण गर्ने हो वा काल्पनिक साम्राज्यको कथा भन्ने विषय भने निर्माण टिमले खुलाएको छैन। यद्यपि सार्वजनिक गरिएको थिम पोस्टरले चलचित्रलाई वर्षकै बहुप्रतीक्षित परियोजनामध्ये एक बनाएको छ।