चोटका बाबजुद छायांकन पूरा गरेका अभिनेता विजय बरालले चलचित्र आफ्नो करिअरका चुनौतीपूर्ण परियोजनामध्ये एक रहेको बताए। “हातमा चोट लागेपछि काम गर्न सहज थिएन, तर कथावस्तु र पात्रप्रतिको विश्वासले सबै कठिनाइ पार गरायो,” उनले प्रतिक्रिया दिए।

सारङ्गी फिल्म्सको प्रस्तुतिमा निर्माण भएको चलचित्रमा विजय बराल र अञ्जना बराइलीसँगै विनोद न्यौपाने, रामप्रसाद खनाल, कमलमणि नेपाल, लोकेन्द्र लेखक, भोलाराज सापकोटा, उषा खड्गी, हिउँवाला गौतम, राकेश खड्का र रजनी गुरुङलगायत कलाकारको अभिनय रहेको छ।

निर्देशक सरोज पौडेलको कथामा आधारित चलचित्रको पटकथा तथा संवाद सबिन अधिकारी र वसन्त न्यौपानेले तयार गरेका हुन्।

चलचित्रका कार्यकारी निर्माता दिनेश खड्का हुन् भने आकाश, सुमन रञ्जित र श्याम मगर सह–निर्माताका रूपमा रहेका छन्। **पदमबहादुर श्रेष्ठ (बाबु)**को छायांकन, नहकुल खड्काको सम्पादन तथा प्रशान्त सिवाकोटी, रिदम कँडेल र नन्दु परियारको संगीत रहेको चलचित्रलाई आरआर फिल्म्सले देशभर वितरण गर्नेछ।