यसअघि पनि क्षेत्रीय तथा अन्तर्राष्ट्रिय सञ्चारमाध्यममा खामेनीको स्वास्थ्य र नेतृत्व क्षमताबारे विभिन्न दाबी सार्वजनिक हुँदै आएका छन्। जुलाईमा साउदी समाचार संस्था अल–हदाथले एक इजरायली सुरक्षा स्रोतलाई उद्धृत गर्दै खामेनी इरानमै नरहेको दाबी गरेको थियो।

त्यसै समयमा अमेरिकी राष्ट्रपति डोनाल्ड ट्रम्पले फक्स न्युजसँगको अन्तर्वार्तामा इरानको शीर्ष सैन्य नेतृत्व समाप्त पारिएको र खामेनीको अवस्था पनि अत्यन्त कमजोर रहेको दाबी गरेका थिए। यद्यपि, इरानी अधिकारीहरूले भने यस्ता दाबीहरूलाई निरन्तर खण्डन गर्दै आएका छन्।

खामेनीको पछिल्लो स्वास्थ्य अवस्थाबारे इरानी पक्षबाट भने हालसम्म स्पष्ट र आधिकारिक जानकारी सार्वजनिक भएको छैन।