काठमाडौं । एप्पल इन्टरटेन्मेन्टको ब्यानरमा निर्माण हुन लागेको हरर फिल्म ‘भिडियोटेप’को औपचारिक घोषणा गरिएको छ। ललितपुरस्थित लाबिम मलमा आयोजित पत्रकार सम्मेलनमार्फत ओविद उद्दिनको निर्देशनमा बन्न लागेको फिल्म घोषणा गरिएको हो।
निर्देशक ओविद उद्दिनको यो डेब्यू फिल्म हो। हरर जनरामा निर्माण हुने फिल्मको छायांकन आगामी भदौ ५ गतेदेखि सुरु हुने भएको छ। फिल्मको अधिकांश छायांकन उपल्लो मुस्ताङमा गरिनेछ भने निर्माण पक्षले ३० दिनको छायांकन तालिका तय गरेको छ।
‘भिडियोटेप’मा अभिनेत्री उपासना सिंह ठकुरी र नव–नायक कुन्दन मान शाक्य मुख्य भूमिकामा रहनेछन्। उनीहरूका साथमा अस्तित्व भट्टचन, कृशल श्रेष्ठ, रिसु राउत, जीवन अधिकारी, शेखर चापागाईं, सिद्धार्थ सिंहलगायत कलाकारको अभिनय रहनेछ।
निर्देशक ओविदले आफू सानैदेखि हरर जनराका फिल्म हेरेर हुर्किएको बताउँदै डेब्यू फिल्मका रूपमा यही विधालाई रोजेको बताए।
“म सानैदेखि हरर जनराका फिल्म हेरेर हुर्किएको हुँ। त्यसैले आफ्नो डेब्यू फिल्ममा पनि यही जनरालाई अगाडि बढाएको छु,” उनले भने, “फिल्मको कथा काल्पनिक विषयमा आधारित छ। यसको कुनै पनि वास्तविक घटनासँग सम्बन्ध छैन।”
अभिनेत्री उपासना सिंह ठकुरीले फिल्मको विषयमा करिब एक वर्षदेखि छलफल भइरहेको बताइन्। कथावस्तु आफूलाई निकै राम्रो लागेको उल्लेख गर्दै उनले छायांकन सुरु हुन लागेकोमा उत्साहित रहेको प्रतिक्रिया दिइन्।
नव–नायक कुन्दन मान शाक्यले पनि फिल्मलाई लिएर आफू निकै उत्साहित रहेको बताए। निर्माण पक्षका अनुसार ‘भिडियोटेप’ करिब ४ करोड रुपैयाँको बजेटमा निर्माण हुनेछ।
फिल्ममा वशिष्ट प्रधानको डीओपी तथा ईश्वर घिमिरेको प्रोडक्सन म्यानेजमेन्ट रहनेछ। महेश बरालले मुख्य सहायक निर्देशकको जिम्मेवारी सम्हाल्नेछन्।
कार्यक्रममा एप्पल इन्टरटेन्मेन्टका प्रमुख नकिम उद्दिनले नयाँ टिमको प्रयासलाई साथ र सहयोग गर्न सबैसँग आग्रह गरे।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.