काठमाडौँ । लोकप्रिय गायक अर्जुन सापकोटाले चलचित्र गायनमा डेब्यु गरेका छन्। भदौ १९ गतेदेखि प्रदर्शनमा आउने तयारीमा रहेको चलचित्र ‘ककाकिकी’को शीर्ष गीतमार्फत उनले फिल्मी गायनमा पाइला राखेका हुन्।
अर्जुनकै संगीत तथा हुकलाइन रहेको गीतमा अर्जुन सापकोटा र मेलिना राईको स्वर छ भने गीतका शब्द सन्तोष सापकोटाले लेखेका छन्। गीतको भिडियोको छायांकनसमेत पूरा भइसकेको निर्देशक बिक्की अगरवालले जानकारी दिएका छन्।
जर्सिङ पौवामा छायांकन गरिएको भिडियोमा चलचित्रको कथाअनुसार गाउँमा भइरहेको सेलिब्रेशनको दृश्य समेटिएको छ। भिडियोमा गौरी मल्ल, तृप्ति नाडकर, रेखा थापा, महेश त्रिपाठी, प्रकाश घिमिरे, खड्गबहादुर पुनमगरलगायत कलाकार देखिनेछन्।
भिडियोमा गायक अर्जुन सापकोटाले पनि नृत्य गरेका छन्। उनीसँगै पवित्रा शाकी (मिस पवि), सजिना खनाल र निश्चल खड्काको नृत्य रहनेछ। भिडियोको कोरियोग्राफी मिग्मा डि लेप्चाले गरेका हुन्।
निर्देशक अगरवालका अनुसार चलचित्रको पोस्ट प्रोडक्सनको काम अन्तिम चरणमा पुगेको छ। शीर्ष गीत यही साताको अन्त्यतिर सार्वजनिक गर्ने तयारी निर्माण पक्षको छ।
‘ककाकिकी’मा दीया मास्के, शिशिर वाङ्देल, सुवास गजुरेल, माओत्से गुरुङ, मनोज गजुरेल, मुकुन्द मैनाली, रामबाबु रेग्मी, सरोज भण्डारी, सृजना श्रेष्ठ, विश्वास तिमल्सिनालगायत कलाकारको अभिनय रहेको छ।
श्रद्धा प्रसाईं र सुमित्रा थापा निर्माता रहेको चलचित्रको डीओपी सुदीप बराल हुन्। पटकथा बिक्की अगरवाल, सरोज भण्डारी र विकास अर्यालले लेखेका छन्। ‘ककाकिकी’ भदौ १९ गतेदेखि प्रदर्शनमा आउनेछ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.