निर्देशक प्रसाईंले दोस्रो चलचित्र निर्देशन गर्न पाउँदा उत्साहित रहेको बताउँदै ‘डियर काव्या’लाई राम्रो बनाउन आफूहरूले सक्दो मेहनत गर्ने बताइन्।

कार्यकारी निर्माता दिया मास्केले निर्माताका रूपमा आफ्नो पहिलो यात्रा सुरु गर्न लागेको बताउँदै चलचित्र निर्माण आफ्ना लागि नयाँ अनुभव भएको उल्लेख गरिन्।

डेब्यु अभिनेता बिक्कीले आफूलाई विश्वास गरेर चलचित्रमा अवसर दिएकोमा निर्माण टिमप्रति आभार व्यक्त गरे। उनले दिया मास्के र अनुप बराललाई आफ्नो अभिनय गुरुका रूपमा उल्लेख गर्दै उनीहरूको विश्वासले चलचित्रमा काम गर्ने अवसर प्राप्त भएको बताए।

उपासना सिंह ठकुरीले पनि चलचित्रका लागि आफूलाई छनोट गरेकोमा निर्माण टिमलाई धन्यवाद दिँदै महिला निर्देशकसँग पहिलोपटक काम गर्न लागेकाले उत्साहित रहेको बताइन्।

निर्माण पक्षका अनुसार चलचित्रको कथावस्तु तथा अन्य प्राविधिक पक्षबारे थप जानकारी आगामी दिनमा सार्वजनिक गरिनेछ।