काठमाडौं । अभिनेत्री निरुता सिंहको फरक तथा गम्भीर अवतार सार्वजनिक गर्दै चलचित्र ‘सारथी’को प्रदर्शन मिति घोषणा गरिएको छ। कुमार गजुरेलको निर्देशनमा तयार भएको चलचित्र मंसिर ११ गते (नोभेम्बर २७) देखि देशभर प्रदर्शनमा आउने भएको हो।
सार्वजनिक फर्स्टलुकमा निरुतालाई काखमा दुधे बालक बोकेको अवस्थामा देखाइएको छ। उनको पैतालाबाट रगत बगिरहेको दृश्यसँगै गम्भीर भाव प्रस्तुत गरिएको पोस्टरले चलचित्रको कथाप्रति रहस्य र कौतुहलता सिर्जना गरेको छ।
लामो समयपछि निरुता सिंह र उत्तम प्रधानलाई एउटै चलचित्रमा देख्न पाइने भएकाले ‘सारथी’प्रति दर्शकको चासो बढेको छ। प्रदर्शन मिति तय भएसँगै निर्माण पक्षले प्रचारप्रसारलाई पनि अघि बढाउने जनाएको छ।
किम्भे प्रोडक्सन र धिरज फिल्म इन्फिनिटीको ब्यानरमा निर्माण भएको चलचित्रमा तारा थापा ‘किम्भे’ प्रस्तुतकर्ता छन्। चलचित्रको सम्पूर्ण छायांकन म्याग्दीको दुर्गम क्षेत्र गुर्जामा गरिएको हो।
‘सारथी’मा निरुता सिंह र उत्तम प्रधानसँगै मुकुन्द श्रेष्ठ, राजेन्द्र केसी, सम्रान्त थापा, गिरी विश्वकर्मा, गायत्री जोशी, कल्पना थापा, मदन थापा, मिलन खड्का, रश्मी गुरुङ, तुलसी राई, आशा विश्वकर्मा, सन्तोष ढकाल, विप्लव खड्का, सागर कँडेल, सुदीप नेपाल र धिरेन कार्की लगायतको अभिनय रहेको छ।
रदिप श्रेष्ठ र प्रदीप रायमाझी निर्माता रहेको चलचित्रमा बेकबहादुर विश्वकर्मा र नवीन श्रेष्ठ कार्यकारी निर्माता तथा अमीर केसी लाइन प्रोड्युसर छन्। संकल्प भुजेलको छायांकन रहेको चलचित्रका मुख्य सहायक निर्देशक राजु खतिवडा हुन्।
चलचित्रमा बाबुल गिरी र प्रशान्त शिवाकोटीको संगीत तथा बाबुल, प्रशान्त र रचना रिमालको स्वर रहेको छ। श्याम कार्की आर्ट डाइरेक्टर र गोविन्द खड्का ड्रेस कोर्डिनेटरका रूपमा छन्।
‘सारथी’को वितरण आरआर फिल्म्सले गर्नेछ। निरुताको फरक अवतारसहित सार्वजनिक गरिएको फर्स्टलुकले चलचित्रप्रतिको दर्शकको उत्सुकता थप बढाएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.