नेपाली संगीत क्षेत्रमा दर्जनौँ चर्चित गीत दिएका संगीतकार हरि लम्सालको यो पहिलो फिचर चलचित्र निर्देशन हो। रचनाकार तथा गायकसमेत रहेका लम्सालले चलचित्रको कथा र पटकथा पनि आफैँ लेखेका छन्। आर्टिस्टिक इन्टरटेनमेन्टको ब्यानरमा निर्माण भएको चलचित्रका निर्माता वसन्त लम्साल हुन्।

अनिल बुढाथोकी कार्यकारी निर्माता, अर्जुन पौडेल लाइन प्रोड्युसर तथा कृष्ण काफ्ले सह–निर्माताका रूपमा रहेका छन्। शिवराम श्रेष्ठले छायांकन गरेको चलचित्रमा तारानाथ न्यौपाने मुख्य सहायक निर्देशक छन्।

‘बा: एक योद्धा’लाई आशिष एच. तामाङ र प्रदीप धामीको कुवेर सिने डिस्ट्रिब्युसनले वितरण गर्नेछ। कुशे औँसी अर्थात् बुबाको मुख हेर्ने दिनको पूर्वसन्ध्यामा प्रदर्शनमा आउन लागेको चलचित्रले बुवा–सन्तानबीचको भावनात्मक सम्बन्धलाई पर्दामा प्रस्तुत गर्ने अपेक्षा गरिएको छ।