बहराइनलाई ७ विकेटले हराउँदै नेपालले एसीसी प्रिमियर कपमा गर्‍यो विजयी सुरुवात

नमस्ते चितवन

सोमबार, भदौ १५, २०८३ मा प्रकाशित

काठमाडौं । एसीसी मेन्स प्रिमियर कप–२०२६ मा नेपालले विजयी सुरुवात गरेको छ। यूकेएम वाइएसडी ओभल मैदानमा भएको पहिलो खेलमा नेपालले बहराइनलाई ७ विकेटले पराजित गरेको हो।

बहराइनले दिएको ८८ रनको सामान्य लक्ष्य नेपालले २१ ओभरमै ३ विकेट गुमाएर पूरा गर्‍यो। नेपालका लागि अर्जुन कुमालले सर्वाधिक ३६ रन बनाए। उनले ५८ बलमा ५ चौका प्रहार गर्दै अविजित रहे।

कप्तान रोहित पौडेलले १४ बलमा १ चौका र १ छक्कासहित १९ रन बनाएर अर्जुनलाई साथ दिए। ओपनर आसिफ शेख १८ रनमा आउट भए भने देव खनाल १० र इशान पाण्डे १ रनमा पेभेलियन फर्किए।

त्यसअघि टस हारेर पहिले ब्याटिङ गरेको बहराइन नेपाली बलरको उत्कृष्ट प्रदर्शनसामु टिक्न सकेन। बहराइन ३६.२ ओभरमा ८७ रनमै अलआउट भयो।