काठमाडौं । निर्देशक सौरभ चौधरीको नयाँ चलचित्र ‘द राइज अफ साम्राज्य’ मा अभिनेता अमरप्रताप श्रेष्ठ अनुबन्धित भएका छन्। सौगात मल्ल, दयाहाङ राई, नाजिर हुसेन, विजय बराल र अञ्जना बराइलीपछि अमर चलचित्रको मुख्य कलाकारको सूचीमा जोडिएका हुन्।
निर्देशक चौधरीका अनुसार अमरले यही चलचित्रका लागि लक्षित गरेर साढे दुई वर्षदेखि अभिनय, एक्सन, मार्सल आर्ट र डान्सको प्रशिक्षण लिइरहेका छन्।
“साढे दुई वर्षदेखि मेरो सल्लाहमा अमरले एक्टिङ, एक्सन, मार्सल आर्ट र डान्सको ट्रेनिङ गर्नुभएको छ,” सौरभले भने, “एउटा सिनेमाका लागि साढे दुई वर्षदेखि तयारी गर्नु भनेको सानो लगाव र डेडिकेसन होइन।”
अमरको निरन्तर तयारी र प्रशिक्षणकै आधारमा उनलाई चलचित्रको मुख्य भूमिकामध्ये एकमा छनोट गरिएको निर्देशक चौधरीले बताए।
डार्क हर्स इन्टरटेन्मेन्टको ब्यानरमा निर्माण हुने ‘द राइज अफ साम्राज्य’ मल्टिस्टारर एपिक एक्सन ड्रामा हुने निर्माण पक्षले जनाएको छ। चलचित्रको कथा तथा पटकथा उपन्यासकार बुद्धिसागरले लेखेका छन्।
निर्देशक चौधरीले यसपटक अघिल्ला चलचित्रभन्दा अझ ठूलो क्यानभासमा काम गर्ने तयारी गरेका छन्। निर्माण पक्षले चलचित्रलाई नेपाली चलचित्र क्षेत्रकै ठूलो स्केलको एक्सन सिनेमा बनाउने दाबी गरेको छ।
चलचित्र केही समयपछि छायांकनमा जाने तयारीमा छ। निर्माण टिमले ७० दिनको छायांकन तालिका तयार पारेको छ, जसको अधिकांश छायांकन पूर्वी नेपालमा गरिनेछ।
चलचित्रमा प्रवेश चौधरी र निला देव निर्माता तथा विश्वास बस्नेत (बेन) सह–निर्माता रहेका छन्। शंकर पाण्डे कार्यकारी निर्माता हुन्।
मानकृष्ण महर्जन डीओपी रहेको चलचित्रमा श्री श्रेष्ठ एक्सन निर्देशकका रूपमा रहनेछन्। ओएसआर डिजिटल डिजिटल पार्टनर, टौवा स्टुडियो पब्लिसिटी पार्टनर तथा डिसीएन वितरक रहेको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.