काठमाडौं । दीपकराज गिरी स्टारर नेपाली चलचित्र ‘छ माया छपक्कै २’को नयाँ पोस्टर सार्वजनिक भएको छ। सार्वजनिक पोस्टरले चलचित्रको कथावस्तुलाई लिएर दर्शकमाझ कौतूहलता बढाएको छ।
पोस्टरमा दीपकराज गिरीलाई बीचमा बाँसुरी बजाइरहेको अवस्थामा प्रस्तुत गरिएको छ। उनको दायाँ र बायाँतर्फ नायिका केकी अधिकारी र सनिशा भट्टराईलाई गर्भवती महिलाको चरित्रमा देखाइएको छ।
पोस्टरको प्रस्तुतिले चलचित्र पारिवारिक तथा हास्यप्रधान कथामा आधारित रहेको संकेत गरेको छ। विशेषगरी दीपकराज गिरीसँगै दुई महिला पात्रलाई गर्भवती अवस्थामा प्रस्तुत गरिएकाले उनीहरूबीचको सम्बन्ध र त्यसबाट सिर्जना हुने परिस्थितिलाई चलचित्रको कथाले समेटेको हुनसक्ने देखिन्छ।
आमा सरस्वती मुभिज, रोहित अधिकारी फिल्म्स र आईएमईको प्रस्तुतिमा निर्माण भएको चलचित्रका निर्माता रोहित अधिकारी हुन्। दीपेन्द्र लामाको निर्देशन रहेको फिल्ममा निर्मल शर्मा र सुरज बम ठकुरी कार्यकारी निर्माताका रूपमा छन्।
पोस्टरमा दीपकराज गिरी, केकी अधिकारी र सनिशा भट्टराईसँगै अन्य कलाकारलाई पनि प्रस्तुत गरिएको छ। पोस्टर सार्वजनिक भएसँगै चलचित्रबारे सामाजिक सञ्जालमा चर्चा सुरु भएको छ।
‘छ माया छपक्कै २’ आगामी असोज ३१ गते फूलपातीका दिनदेखि नेपाली सिनेमा हलमा प्रदर्शनमा आउने तयारीमा छ। दशैंको अवसरमा प्रदर्शनमा आउन लागेको चलचित्रले पारिवारिक मनोरञ्जन प्रस्तुत गर्ने निर्माण पक्षको अपेक्षा छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.