नेपालका लागि रोहितपछि करण केसीको पालिको उल्लेखनीय रह्यो । आठौँ क्रमका क्रिजमा आउनुभएका करणले १६ बलमा ४० रन बनाएपछि नेपालको पालिको अन्त्य सुखद तरिकाले गरेको थियो । करणको पालिमा एक चौका र चार छक्का सामेल थियो ।

उहाँले हसनैन शाहले फालेको ४९ औँ ओभरमा लगातार तीन छक्का प्रहार गर्नुभएको थियो । करण अन्तिम बलमा रनआउट हुनुभयो ।

त्यसपछि करणले ओमानको पालिमा पहिलो ओभरमै प्रारम्भिक ब्याट्सम्यान हसनैन उल वहाबलाई शुन्यमा बोल्ड गरेर नेपाललाई खेलको दोस्रो भागमा पनि शानदार सुरुआत दिलाउनुभएको थियो । ओमानले जवाफमा ४१ रनमै छ विकेट गुमाइसकेको थियो ।

ओमानका लागि कप्तान विनायक शुक्लाले ८३ बलमा छ चौका र एक छक्कासहित ७७ रन बनाउनुभयो । दिपेन्द्रले ओडेड्रा २५ रन योगदान दिनुभयो । सो पालिमा सन्दीप र नन्दनले तीन/तीन, दिपेन्द्रले दुई तथा करण र ललितले एक/एक विकेट लिनुभयो ।

नेपालको नजर पाँचौँ स्थानमा

यस नतिजासँगै नेपालको पाँचौँ स्थानमा उक्लने बाटो पनि खुलेको छ । नेपालको ३४ खेलबाट २८ अङ्क भएको छ । आठ टिम सहभागी यस लिग टु २०२३/२४–२०२७ को ‘साइकल’मा नेपालले अझै दुई खेल खेल्न बाँकी छ ।

पाँचौँ स्थानमा रहेको नामिबियाले एक खेल खेल्न बाँकी छँदा ३१ अङ्क बनाएको छ । नामिबियाले आप्mनो अन्तिम खेलमा हार वेहोरमा नेपालले आफ्नो अन्तिम दुई खेल जितेर शीर्ष पाँच रहेर प्रतियोगता टुङ्ग्याउनेछ ।

नेपालको शीर्ष चारमा रहेर विश्वकपको ग्लोबल छनोटमा स्वतः चयन हुने अवसर भने गुमाइसकेको छ । ओमान आउनुअघि नेपाल सातौँ स्थानमा थियो । ओमान ३० खेलमा ३३ अङ्क बनाएर चौथो स्थानमा रहेको छ ।