काठमाडौं । बडादशैंको अवसरमा सर्वसाधारणको आवागमन सहज बनाउन नेपाल प्रहरीले काठमाडौं उपत्यकामा निःशुल्क बस सेवा सञ्चालन गरेको छ । प्रहरीले कात्तिक ३ र ४ गते गरी दुई दिन तीनवटा रुटमा उक्त सेवा सञ्चालन गरेको हो ।
दशैंका बेला सार्वजनिक यातायातको उपलब्धता कम हुने अवस्थालाई मध्यनजर गर्दै प्रहरीले सर्वसाधारणको सुविधाका लागि निःशुल्क बस सेवा सञ्चालन गरेको जनाएको छ ।
रुट नम्बर १: नक्सालबाट सुरु हुने बस बालुवाटार, टिचिङ, चक्रपथ, नयाँ बसपार्क, बालाजु, स्वयम्भू, कलंकी, बल्खु, सातदोबाटो, लगनखेल, जावलाखेल, थापाथली, माइतीघर, पुतलीसडक, कृष्णपाउरोटी र जयनेपाल हल हुँदै पुनः नक्साल फर्किनेछ ।
रुट नम्बर २: नक्सालबाट सुरु भई रत्नपार्क, बानेश्वर, कोटेश्वर, सल्लाघारी र सूर्यविनायक चोकसम्म पुग्ने बस कोटेश्वर, विमानस्थल, गौशाला, चाबहिल, सुकेधारा, चक्रपथ, टिचिङ र बालुवाटार हुँदै पुनः नक्साल फर्किनेछ ।
रुट नम्बर ३: नक्सालबाट सुरु हुने बस सोह्रखुट्टे, बालाजु चोक, नयाँ बसपार्क, नारायणगोपाल चोक, चक्रपथ, सुकेधारा, गौशाला, विमानस्थल, कोटेश्वर, सातदोबाटो, एकान्तकुना, बल्खु, कलंकी, नयाँ बसपार्क, चक्रपथ र महाराजगञ्ज हुँदै पुनः नक्साल फर्किनेछ ।
प्रहरीका अनुसार निःशुल्क बस सेवा टीकाको दिन बिहान ८ बजे पहिलो सिफ्ट र दिउँसो ३ः३० बजे दोस्रो सिफ्टमा सञ्चालन हुनेछ ।
दशैंका बेला आफन्तको घरमा टीका थाप्न जाने तथा अन्य कामले आवतजावत गर्ने सर्वसाधारणका लागि यो सेवाले सहजता प्रदान गर्ने अपेक्षा गरिएको छ । विशेषगरी सार्वजनिक यातायातको अभावमा यात्रुहरूलाई निःशुल्क बस सेवाले राहत पुग्ने विश्वास गरिएको छ ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.