नयाँ आकस्मिक कक्ष विश्वस्तरीय भएको उनले बताए । “मैले हालै युरोपको नेदरल्याण्ड्समा फेलोसिप गर्दा त्यहाँका कैयौँ अस्पताल हेरेँ”, उनले भने– “त्यही देखेर त्यहाँको मापदण्ड भेटाउने गरी नयाँ आकस्मिक कक्ष बनाएको हुँ ।”‘ट्रमा इमरजेन्सी सर्भिस’का लागि ४ जना विशेषज्ञसहित १५ जना स्वास्थ्यकर्मीको टोली हरदम ‘स्ट्याण्डबाई’ रहने उनले बताए ।

यसै सन्दर्भमा चोटपटक तथा दुर्घटनाका घाइतेको ‘ट्रमा’ उपचारमा विश्वस्तरीय प्रविधिको प्रयोग र सेवाका लागि आईएसओ ९००१ः२०१५ प्रमाणपत्र पनि अस्पतालले पाएको उनले बताए ।यो अस्पतालमा हाल ‘ट्रमा’ सेवातर्फ मात्रै ६ जना विशेषज्ञ शल्यचिकित्सक (सर्जन) तथा ३ जना विशेषज्ञ एनेस्थेसियोलोजिस्ट आबद्ध छन् ।