मंसिर १६ ,डोटी । बडीकेदार गाउँपालिकाका किसानले उत्पादन गरेका सुन्तला र मौसमले बजार नपाउँदा कृषक मारमा परेका छन् ।उत्पादन क्षेत्र नजिक संकलन केन्द्र, बजार, यातायात तथा बजारिकरणको अभावले कृषकले उत्पादन गरेका मौसमी फलफुल सुन्तला बिग्रेर जाने अवस्थामा छन् ।
यसअघि सडक, यातायात, संकलन केन्द्रको अभावका कारण खेर जाने कृषि उत्पादन अहिले गाउँ नजिकै सडक पुगेपनि बजार नपाउने अवस्थामा छन् ।सो क्षेत्रमा उत्पादन हुने अदुवा, बेसार, सुन्तला, लसुन, कागती, अमिलो, मुला, भटमास, मौसमी जस्ता कृषि उपजहरुले बजार नपाउने र बजार पाएपनि विचौलीका कारण मुल्य नपाउने भएकाले कृषकहरु निराश छन् ।
यो वर्ष ग्रामिण भेगमा सडक पुगे पनि कृषकहरुले उत्पादन गरेका उत्पादन संकलन तथा विक्रिवितरणका लागि कुनै व्यवस्थापन नभएका कारण अन्य बर्ष जस्तै यो सिजनमा उत्पादन भएका सुन्तला र मौसमी रुखमै कुहिने अवस्था रहेको स्थानीय कृषकहरु बताउँछन् ।
व्यवसायिक रुपमा सुन्तला तथा मौसमी खेती गर्ने कृषकहरुले बजारिकरणका लागि स्थानीय सरकार तथा कृषि क्षेत्रमा कार्य गर्ने सरोकारवालालाई गुहारी रहेका छन् ।कृषि उत्पादनले बजार नपाउँदा व्यावसायिक कृषि खेती बाटै जिविकोपार्जन गर्ने उद्येश्य लिएर खेती गरिरहेका कृषकहरुको मनोबल घट्दै गएको बडीकेदार गाउँपालिका-५ का किसान देब बहादुर चन्द बताउँछन् ।
उनले कृषि उत्पादनसँगै बजारीकरणका लागि स्थानीय सरकारले पहल गर्नु पर्ने बताए । कृषकहरुले व्यावसायिक रुपमा फलफुल, बेसार, तरकारी खेती गर्दै आए पनि उचित बजारको व्यवस्था नहुँदा त्यहाँ उत्पादित बस्तुहरु डोटी दिपायल, कैलाली लगायतका ठाउँमा लगेर बिक्रि गर्नुपर्ने बाध्यता रहेको छ ।
केही मात्रामा उत्पादन क्षेत्रमा आएर विचौलीयाहरुले खरिद गर्ने गरकोे भएपनि उत्पादनको लागत समेत नआउने गरेर सस्तोमा वेच्नु पर्नेबाध्यताका कारण कृषकले पेशा नै छाडेर कामका लागि बाहिर जानुपर्ने अवस्था रहेको स्थानीय कृषक कृष्ण बहादुर नेपालीले बताए । बजारको अभावमा कृषकहरुको जीवनस्थर माथि उठ्न सकेको छैन ।
कृषि उत्पादनको बजारिकरणका लागि सरोकारवालाले कृषि उपज संकलन केन्द्र बनाएर त्यसको बजारिकरणका लागि पहल गरिदिए मात्रै कृषकहरु पेशाप्रति आकर्षक हुने उनीहरुको भनाइ छ ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.