नेपालको आफ्नै पर्यटन सुत्र चाँडै सार्वजनिक गछौंः मन्त्री किराती

नमस्ते चितवन

आइतबार, पुष २९, २०८० मा प्रकाशित

संस्कृति, पर्यटन तथा नागरिक उड्डयन मन्त्री सुदन किरातीले नेपालाले अब पर्यटनको आफ्नै सुत्र बनाउने बताउँदै त्यो चाँडै सार्वजनिक हुने बताउनु भएको छ ।

कर्पोरेट नेपालसँगको कुराकानीमा उहाँले नेपालको आफ्नै पर्यटन सुत्र बनाउनुपर्ने खाँचो रहेको बताउनु भयो । उहाँले अब १० वर्षमा बार्षिक ३५ लाख पर्यटक भित्राउने सरकारको लक्ष्य रहेको बताउँदै, ‘नेपाल भ्रमण दशक भनेर सरकारले ल्याएको बताउनु भयो । त्यसलाई चाहिँ प्रभावकारी कार्यक्रम बनाएर अगाडी सार्नेगरी तयारी गर्दैछौं ।’ सन् २०२३ मै भ्रमण दशकको शुभारम्भ गरिनुपर्नेमा अहिलेसम्म भएको छैन्, उहाँले भन्नुभयो।

मन्त्री किरातीले भन्नुभयो, ‘हामीले टुरिजम क्षेत्रको सुत्र बनाउनुपर्ने छ । नेपालको कुन सुत्रमार्फत नेपालको पर्यटनको विकास गर्न सकिन्छ रु त्यसलाई मध्यनजर गर्दै पर्यटनको आफ्नै सुत्र बनाइ त्यो चाँडै हामी सार्वजनिक गछौं । नेपालमा पर्यटन–पर्यटन भन्ने गरिन्छ । तर, कुनलाई प्राथमिकता दिने रु कुनलाई नदिने रु भन्ने टुगो छैन् । त्यस कारणले पहिला त्यसको नीति तयार गरी कार्यक्रमहरु सार्वजनिक गछौं ।’

सन् २०२३ मा १० लाखभन्दा बढी पर्यटकले नेपाल भ्रमण गरेकोमा उहाँले गर्व गर्नु भयो । नेपालमा पर्यटकको संख्या वृद्धि हुनुमा यहाँस्थित विदेशी कूटनीतिक नियोगहरूको समेत महत्वपूर्ण योगदान र भूमिका रहेको किरातीले बताउनु भयो । गैरआवासीय नेपालीहरुको संख्यालाई समेत जोडेर १० लाखभन्दा बढी भएको भन्दै कतिपय पर्यटन व्यवसायीले अरु देशले करोडौं पर्यटन भित्राउन सफल भइरहेको बेला नेपाल १० लाखमा रमाउन नहुने तर्क गर्छन् ।