नेपालमा ओमिक्रोनको नयाँ सब भेरियन्ट पुष्टि भएपछि यो कति घातक छ भन्ने विषयमा चासो बढेको छ।

सरूवा रोग विशेषज्ञ डा. सागरराज भण्डारीले नयाँ सब भेरियन्ट चाँडो सरेपनि घातक नरहेको बताएका छन्। ‘यो प्रजातिको भेरियन्टले मानिसलाई लामो समयसम्म रुघाखोकी लगाउने भए पनि त्यति घातक छैन,’ उनले भने। तर दीर्घरोगी भएका बिरामीले सतर्कता अपनाउनुपर्ने डा। भण्डारी बताउँछन्। कोरोनाका भेरियन्ट परिवर्तन भइरहने र पछि इन्फ्लुएन्जाको रुप लिने सक्ने भएकाले नियमित कोरोना भाइरसविरुद्धको खोप लगाउनुपर्ने उनको भनाइ छ।

यसअघि पनि ओमिक्रोन भेरियन्टको जेएन.१ लगायत सबभेरियन्ट पुष्टि भएको थियो। पछिल्लो समय देखिएको केपी भेरियन्ट भने सिंगापुरलगायत केहि देशहरूमा देखिएको प्रयोगशालाले जनाएको छ।