नयाँ कार्यविधिले यसअघि रहेको त्यो व्यवस्था पनि हटाएको छ, जसअनुसार सेन्सर पास नभएका चलचित्र मात्र महोत्सवमा प्रदर्शन गर्न पाइन्थ्यो । अब सेन्सर बोर्डबाट जाँच पास भएका चलचित्र मात्र महोत्सवमा प्रदर्शन गर्न पाइनेछ ।यसअघि लागू गरिएको कार्यविधिका केही बुँदामा विवाद भएपछि नयाँ कार्यविधि ल्याइएको बोर्डले जनाएको छ ।

नयाँ कार्यविधिले सेल्फ सेन्सर (Self Censor) प्रणालीलाई पनि समेटेको छ । चलचित्रकर्मीले आफ्नै चलचित्र आफैं जाँच गरी सेन्सरका सम्भावित कमजोरी पहिचान गर्न सक्ने व्यवस्था गरिएको हो । यसका लागि बोर्डले विशेष फारमको समेत व्यवस्था गरेको छ ।

सेल्फ सेन्सर प्रणाली लागू भएपछि चलचित्र सेन्सर प्रक्रिया छिटो हुने, चलचित्रकर्मीले झेल्दै आएको अनावश्यक झन्झट कम हुने र सेन्सर बोर्ड तथा चलचित्रकर्मी दुवैको समय बचत हुने गिरीले जानकारी दिए ।

“सेल्फ सेन्सर प्रणाली लागू भएपछि चलचित्रकर्मीहरूले सेन्सर प्रक्रिया सहज भएको महसुस गरेका छन्,” गिरीले भने, “यसले सेन्सर बोर्ड र चलचित्रकर्मीबीच अनावश्यक विवाद पनि कम गर्नेछ ।”