काठमाडौं । नेपाली चलचित्र ‘पाँच पाण्डव’मा दर्शकले फूल डल्बी एट्मस साउन्डको अनुभव गर्न पाउने भएका छन्। म्युजिक नेपालले हालै नेपालमै सञ्चालनमा ल्याएको डल्बी एट्मस साउन्ड स्टुडियोमा यस चलचित्रको सम्पूर्ण साउन्ड डिजाइन तथा मिक्सिङ हुने भएको हो।
यससँगै ‘पाँच पाण्डव’ नेपालमै डल्बी एट्मस स्टुडियोमा पूर्ण साउन्डको काम गर्ने पहिलो चलचित्र बन्ने भएको छ। निर्माण पक्षका अनुसार चलचित्रको सम्पूर्ण साउन्ड पोस्ट–प्रोडक्सन डल्बी एट्मस प्रविधिमै गरिनेछ।
चलचित्रका प्रस्तुतकर्ता नवीन श्रेष्ठले डल्बी एट्मस स्टुडियोसँग औपचारिक सम्झौता भइसकेको जानकारी दिँदै भने,“हामीले दर्शकलाई साउन्डको फरक टेस्ट दिन चाहेका छौँ। प्राविधिक रूपमा पनि अब्बल र अन्तर्राष्ट्रिय स्तरको अनुभव दिने हाम्रो लक्ष्य हो।”
डल्बी एट्मस स्टुडियोका सञ्चालक सन्तोष शर्मासँग कागजी सम्झौता सम्पन्न भइसकेको र सो अवसरमा चलचित्रका मुख्य कलाकार हरिवंश आचार्य तथा निर्देशक वसन्त निरौलाको पनि उपस्थिति रहेको निर्माण पक्षले जनाएको छ।
नवीन श्रेष्ठले साउन्ड मात्र होइन, चलचित्र निर्माणका अन्य पक्षमा पनि कुनै सम्झौता नगर्ने स्पष्ट पारेका छन्।
चलचित्र ‘पाँच पाण्डव’को शुभमुहूर्त सम्पन्न भइसकेको छ। वसन्त निरौलाको निर्देशनमा बन्ने यस चलचित्रमा हरिवंश आचार्य, जितु नेपाल, सागर लम्साल (बले) लगायत कलाकारको अभिनय रहनेछ। चलचित्र नाम जस्तो धार्मिक कथामा आधारित नभई सोसल ड्रामा रहेको निर्माण पक्षले स्पष्ट पारेको छ।
महिला पात्रमा दीपाश्री निरौला र रजनी गुरुङ देखिनेछन्।काली रानी फिल्म्सको प्रस्तुतिमा निर्माण हुने चलचित्रको कथा, पटकथा तथा संवाद सुशील पौडेलले लेखेका हुन्। पौडेल यसअघि चर्चित चलचित्र ‘प्रसाद’ का लेखकसमेत हुन्।
नवीन श्रेष्ठ प्रस्तुतकर्ता रहेको चलचित्रकी निर्माता काली रानी श्रेष्ठ हुन्।केही महिनाभित्र छायांकन सुरु गरिने तयारी रहेको चलचित्रको प्रोडक्सन म्यानेजर दिलिप पन्त रहेका छन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.