काठमाडौं — इन्डोनेसिया को मोलुका टापु केन्द्रबिन्दु भएर बिहीबार बिहान ७.४ म्याग्निच्युडको शक्तिशाली भूकम्प गएको छ। अमेरिकी भूगर्भ सर्वेक्षण (USGS) अनुसार सुरुमा भूकम्पको तीव्रता ७.८ मापन गरिएको थियो।
भूकम्प स्थानीय समय अनुसार बिहान ६:४८ बजे गएको हो। यसको केन्द्रविन्दु टर्नेट सहरबाट करिब १२० किलोमिटर टाढा रहेको जनाइएको छ।
भूकम्पपछि सुनामी चेतावनी केन्द्र ले इन्डोनेसिया, फिलिपिन्स र मलेसिया का तटीय क्षेत्रमा सुनामी आउनसक्ने सम्भावना रहेको भन्दै सतर्कता अपनाउन निर्देशन दिएको छ।
भूकम्पको धक्का जापान सम्म महसुस गरिएको छ। त्यहाँको मौसम विज्ञान एजेन्सीले केही समुद्री तटमा पानीको सतहमा सामान्य परिवर्तन हुन सक्ने चेतावनी दिएको छ।
हालसम्म उत्तर सुलावेसीको मिनाहासा क्षेत्रमा एक ७० वर्षीया वृद्धाको घर भत्किँदा मृत्यु भएको पुष्टि भएको छ। उद्धार टोलीका भिडियोहरूमा मनाडो सहरमा भवनहरू क्षतिग्रस्त भएको देखिएको छ।
मुख्य भूकम्पपछि ५.५ र ५.२ म्याग्निच्युडका पराकम्प आइसकेका छन्। थप शक्तिशाली पराकम्प आउन सक्ने चेतावनी दिँदै अधिकारीहरूले तटीय क्षेत्र र पहिरोको जोखिम भएका स्थानबाट टाढा रहन आग्रह गरेका छन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.