काठमाडौं । निर्देशक ज्ञानेन्द्र देउजाको निर्देशनमा निर्माण भएको नेपाली सिनेमा झिँगेदाउ २ को प्रदर्शन मिति घोषणा गरिएको छ। मंगलबार निर्माण टिमले चार मुख्य कलाकार समावेश पोस्टर सार्वजनिक गर्दै सिनेमा आगामी असोज ३ गते संविधान दिवसको अवसरमा देशव्यापी प्रदर्शनमा आउने जानकारी दिएको हो।
यसअघि फिल्मलाई दशैंको फूलपातीमा रिलिज गर्ने योजना भए पनि सो मितिमा अन्य सिनेमासँग प्रतिस्पर्धा बढेपछि सुरक्षित प्रदर्शन मितिका रूपमा असोज ३ रोजिएको निर्देशक देउजाले बताएका छन्।
सार्वजनिक पोस्टरमा केकी अधिकारी, आँचल शर्मा, महेश त्रिपाठी र कुशल बिष्टलाई क्यारेक्टर लुक्समा प्रस्तुत गरिएको छ, जसले दर्शकमाझ फिल्मप्रति थप कौतुहलता बढाउने अपेक्षा गरिएको छ।
कपनगढी सिनेमा प्रालि र फिल्म क्रिउ नेपालको संयुक्त ब्यानरमा निर्माण भएको यस सिनेमामा सरोज खनाल, आर्यन सिग्देल, बसुन्धरा भुषाल, चैत्यदेवी सिंह, हिँउवाला गौतमलगायत कलाकारहरूको अभिनय रहनेछ।
निर्देशक ज्ञानेन्द्र देउजाकै कथामा आधारित फिल्मको पटकथा परिच्छेद सेन, गोविन्द फुयाल र शिशिर चालिसेले तयार पारेका हुन्। रोशन श्रेष्ठको द्वन्द्व निर्देशन, रामजी लामिछानेको कोरियोग्राफी, अर्जुन पोखरेलको संगीत तथा मित्र डि गुरुङको सम्पादन फिल्ममा रहनेछ।
बिष्णु घिमिरे ‘कल्पित’को छायांकन रहेको फिल्मका निर्माता सुलभ प्रतिक देउजा र समीक्षा देउजा हुन्। फिल्मको छायांकन काभ्रे, काठमाडौं, भक्तपुर, साँखु, तनहुँ, बन्दीपुर, देवघाट, दोलखा, चित्लाङ, पालुङ र चितवनलगायत विभिन्न स्थानमा गरिएको थियो।
हाल डबिङको अन्तिम चरणमा रहेको ‘झिँगेदाउ २’ले पहिलो भागको सफलतालाई निरन्तरता दिँदै दर्शकमाझ मनोरञ्जन र सामाजिक कथा प्रस्तुत गर्ने अपेक्षा गरिएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.