काठमाडौं । गत शुक्रबारदेखि प्रदर्शनमा आएको नेपाली फिल्म मीतज्यू लाई दर्शकको उत्साहजनक साथ मिलिरहेको छ। सकारात्मक प्रतिक्रियासँगै निर्माण टिम अहिले दर्शकमाझ पुगेर प्रत्यक्ष प्रतिक्रिया संकलन गर्न व्यस्त बनेको छ।
राजधानीका विभिन्न हलमा पुगेर दर्शकसँग भेटघाट गरेको निर्माण टिम बुधबारदेखि मोफसल दौडमा निस्किएको हो। फिल्मका मुख्य कलाकार दयाहाङ राई, टेरिया फौजा मगर तथा निर्देशक अनिल बुढा मगर सहितको टोली नेपालगञ्ज, दाङ र बुटवल पुगेको निर्माण पक्षले जनाएको छ।
निर्माण टिमले ती क्षेत्रका सिनेमा हलमा दर्शकसँगै बसेर फिल्म हेर्ने र प्रतिक्रिया लिने योजना बनाएको छ। दर्शकबाट प्राप्त माया र समर्थनले आफूहरू उत्साहित भएको निर्माण टिमको भनाइ छ।
फिल्ममा दयाहाङ राई, सौगात मल्ल र टेरिया मगर मुख्य भूमिकामा छन्। साथै शिशिर वाङ्देल, खड्गबहादुर पुन मगर, पुष्कर गुरुङ, राज थापा, सुवर्ण थापा, अनु थापा र स्मिता लामिछाने लगायत कलाकारको पनि अभिनय रहेको छ।
जीएम मुभिज प्रोडक्सन को ब्यानरमा निर्माण भएको फिल्मका लगानीकर्ता जनक घर्तीमगर हुन्। फिल्मलाई अनिल बुढा मगरले निर्देशन गरेका हुन्।
लोकेश बज्राचार्यको सम्पादन रहेको फिल्मलाई शिशिर विशंखेले खिचेका हुन् भने आरआर फिल्म्स ले नेपालभर वितरण गरिरहेको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.