व्यवसायी पूजा गुरुङ र जश्मिन श्रेष्ठले लगानी गरेको चलचित्रमा प्रमोद दीप, सुजता थापा, सरोज खनाल, अरुणा कार्की, अर्जुन गुरुङ, विद्या कार्की, नवीन श्रेष्ठ, कञ्चन दुलाल, कमल गाउँले, विशाल पहाडीलगायत कलाकारहरूको अभिनय रहेको छ। निर्देशक ओम प्रतीक स्वयं पनि चलचित्रमा मुख्य भूमिकामा देखिनेछन्।

चलचित्रको विशेष आकर्षणका रूपमा समावेश गरिएको प्रमोशनल गीतमा दीपाश्री निरौला, किरण केसी, दिलीप रायमाझी, प्रियंका कार्की र पूजा शर्मा ले विशेष नृत्य प्रस्तुति दिएका छन्। गीतको कोरियोग्राफी कविराज गहतराज ले गरेका हुन्। चलचित्रका अन्य गीतहरूमा ओम प्रतीक र कविराज गहतराजको संयुक्त कोरियोग्राफी रहेको छ।

चलचित्रमा राहुल राईको छायांकन, रामप्रसाद चौधरीको सम्पादन तथा विपिन मल्लको सुपरभाइजिङ सम्पादन रहेको छ। संगीतकार शम्भुजित बास्कोटा, बाबुल गिरी र कृष्ण भारद्वाजको संगीत रहेको चलचित्रमा जश्मिन श्रेष्ठको शब्द तथा बाबुल गिरी र शान्ति श्री परियार को स्वर सुन्न पाइनेछ।

कुमार महर्जनको द्वन्द्व निर्देशन रहेको चलचित्रको वितरण नेशनल सिने ग्रुप प्रालि ले गर्नेछ भने डिजिटल पार्टनर ओएसआर डिजिटल रहेको छ।