काठमाडौँ । लोकप्रिय हास्य टेलिभिजन कार्यक्रम ‘कमेडी नाइट विथ च्याम्पियन्स’ को सिजन–२ अन्तर्गत प्रसारण हुन लागेको एपिसोड–६० नेपाल प्रहरीलाई समर्पित विशेष ट्रिब्युट एपिसोडका रूपमा तयार गरिएको छ।
कार्यक्रमका होस्ट तथा निर्देशक विशाल भण्डारीका अनुसार पछिल्लो समय विभिन्न घटनाक्रमका कारण नेपाल प्रहरीको मनोबलमा परेको प्रभावलाई ध्यानमा राख्दै प्रहरी कर्मचारीहरूको आत्मविश्वास बढाउने उद्देश्यले यो विशेष एपिसोड निर्माण गरिएको हो।
विशेष एपिसोडमा नेपाल प्रहरीका प्रहरी महानिरीक्षक (आईजीपी) दानबहादुर कार्की प्रमुख अतिथिका रूपमा सहभागी भएका छन्। कार्यक्रममा बर्दीसहित करिब एक सयभन्दा बढी प्रहरी कर्मचारीको उपस्थिति रहेको बताइएको छ।
एपिसोडमा कलाकारहरूले प्रहरी संगठनभित्रका विविध पक्षलाई हास्य र व्यंग्यात्मक शैलीमा प्रस्तुत गरेका छन्। प्रहरी कर्मचारीले पारिवारिक जीवनमा भोग्ने समस्या, ड्युटीका क्रममा सामना गर्ने चुनौती, जिम्मेवारीको दबाब तथा समाजमा शान्ति–सुरक्षा कायम गर्न खेल्ने भूमिकालाई विभिन्न स्केचमार्फत देखाइएको निर्देशक भण्डारीले जानकारी दिए।
उनका अनुसार कलाकारहरूको प्रस्तुति र व्यंग्यात्मक अभिनयले कार्यक्रममा सहभागी प्रहरी कर्मचारीहरूलाई मनोरञ्जनसँगै सकारात्मक सन्देश पनि दिएको छ।
नेपाल प्रहरीको समर्पण, त्याग र सेवाभावप्रति सम्मान व्यक्त गर्ने उद्देश्यले तयार गरिएको यो एपिसोडले संगठनभित्र सकारात्मक ऊर्जा प्रवाह गर्ने अपेक्षा गरिएको छ। कार्यक्रम आगामी मंगलबार प्रसारण हुनेछ।
कार्यक्रमको अध्यक्षता चर्चित कलाकार तथा निर्माता दीपाश्री निरौला ले गरेकी छन्। कार्यक्रममा सुमन कार्की, साजन श्रेष्ठ, भरतमणि पौडेल, सुमन कोइराला, कैलाश कार्की, मेक्सम गौडेल, प्रभात लामा, पवन भट्टराई र कर्मा सिंह लामा लगायतका कलाकारहरूले प्रस्तुति दिएका छन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.